Angliya chempionatining 25-turidan o'rin olgan “Liverpul” – “Sanderlend” uchrashuvi boshlandi. Uni biz bilan birgalikda LIVE tarzida kuzatib boring.  0'. So'nggi ma'lumotlarga ko'ra "Liverpul" ustozi Yurgen Klopp bugungi uchrashuvda ishtirok etmasligi mumkin. 0'. Jamoalar maydonga chiqib kelishmoqda. 0'. Muxlislar "qizillar"ning madhiyasi - You'll never walk alone kuyini kuylashmoqda. 1'. Uchrashuv boshlandi! Maydon egalari to'pni o'yinga kiritib berishdi.  2'. Ma'lum bo'lishicha, Klopp ko'richak gumoni bilan shifoxonaga yotqizilgan. 3. Hozircha maydon egalari kichik ustunlikka ega bo'lib turibdi. "Sanderlend" hali o'yinga kirishib keta olmadi. 5'. "Liverpul" futbolchilari yaxshi hujum boshlagan edi, ammo, Firmino vaziyatni to'g'ri baholay olmadi.  8'. Xavfli vaziyat!!! Xazrining uzoqdan bergan zarbasi biroz noaniq chiqdi. Minole vaziyatni ko'rib turgandi. 10'. Endi maydon egalari hujum uyushtirmoqda. Hozircha "Sanderlend" himoyalanishga majbur. 11'. Uchrashuv biroz zerikarli o'tmoqda.  12'. Kutilmagan holat. Lovren jarohat olib maydonni tark etdi. Uning o'rniga Kolo Ture o'yinga tushdi.  15'. Lallana raqib jarima maydonchasida xavfli vaziyat yaratishga yaqin turgandi. Ammo, himoyachilar to'pni tepib yuborishdi. 16'. Jamoalar ehtiyotkorona harakat qilishmoqda. Har ikki jamoa ochiq o'yin namoyish qilish niyatida emas.  17'. Xavfli vaziyat!!! Moreno hisobni ochishga juda yaqin kelgandi. Mannone jaomasini muqarrar goldan saqladi. Burchak zarbasi. 25'. "Sanderlend" a'zosi Uotmor ham jarohat oldi. U maydonni tark etmoqda. Uning o'rniga N'Doye tushdi.   29'. "Liverpul" futbolchilari yana bir qulay vaziyatni qo'ldan boy berdi. Ularga yakunlovchi zarba etishmayapti. 35'. Jamoalar futbol o'ynash uchun emas, shunchaki muxlislar oldida sayr qilayotgandek. Bunga Kloppning yo'qligi sabab bo'lyaptimi, bilmadik.  37'. "Liverpul" futbolchilari burchakdan to'pni o'yinga kiritib berishdi. Ammo, standart vaziyat samarasiz yakunlandi. 42'. Maydon egalari navbatdagi burchak zarbasini ishlab olishdi. Bu safar ham xavf bartaraf etildi.  44'. Zarba!!! Firminoning zarbasi darvoza to'sini ustidan o'tib ketdi.  45'. Birinchi bo'limga 4 daqiqa qo'shib berildi. Zerikarli o'tayotgan o'yin uchun bu juda ko'p, nazarimizda.  45+2'. "Liverpul"da ikkinchi majburiy o'zgarish. Jo Allen o'rniga Jordan Ayb maydonga tushdi.  45+4'. Nihoyat! Birinchi bo'limga yakun yasayldi. Endi 15 daqiqa dam olamiz. 46. Ikkinchi bo'lim boshlandi. Umid qilamizki, ushbu taymda gol bo'ladi. 48'. O'yinda hech qanday mazmun yo'q. Futbolchilar o'rtoqlik o'yini o'tkazayotgandek.  53'. Firmino! Uning chamasi 30 metrlardan bergan zarbasiga biroz aniqlik etishmadi. 55'. Mehmonlar uchrashuvdagi ilk burchak zarbasini ishlab olishdi.  56'. Dastlabki urinishda Moreno halaqit qilgani uchun burchak zarbasi qaytadan amalga oshiriladi.  60'. GOOOLLL!!! Nihoyat uchrashuvda hisob ochildi. Firmino gol muallifiga aylandi, 1:0. 60'. Jeyms Milnerning zargarona uzatmasidan so'ng braziliyalik yarim himoyachi boshi bilan Mannone darvozasini aniq nishonga oldi. Ushbu golni muxlislar naqd bir soat kutishdi.  63'. O'yin jonlandi. "Liverpul" goldan ruhlanib ketma-ket hujumlar uyushtira boshladi. Avval Lallanining, keyin esa Aybning zarbasini Mannone qaytardi.  65'. "Sanderlend" tarkibida o'zgarish: Krixoff maydonni tark etdi, uning o'rnini Jonson egalladi.
— deya xabar beradi uff.uz nashri.