Kuni kecha “Neftchi” SK stadionida “Hokim kubogi” final bahsi oldidan matbuot anjumani bo'lib o'tdi. O'yin oldi anjumanining ilk qismida “Neftchi” jamoasi bosh murabbiyi Andrey Fyodorov ishtirok etdi. - “Hokim kubogi” turniri bizning yangi mavsumga tayyorgarlik jarayonimizning bir qismi hisoblanadi, - deb gap boshladi Andrey Vitalevich – Turnir davomida juda ko'p o'yin o'tkazdik. Ammo uchrashuv kunlarining bir-biriga yaqinligi futbolchilarga salbiy ta'sir qilmadi deb o'ylayman.To'g'ri, o'tgan bahslar davomida jarohatlar bo'ldi. Biroq buni havotir oladigan joyi yo'q. Final haqida gapiradigan bo'lsam, haqiqat ham “Neftchi”ni jiddiy o'yin kutyapti. - Boshlang'ich tarkib borasida nima deysiz ?  - O'yinga kim xar taraflama tayyor bo'lsa o'sha asosiy tarkibda tushadi. Jamoa shifokorlari bilan gaplashaman. O'yinchilarning holati borasida ular bilan maslahatlashaman. Qaysi futbolchilar ham ruxan ham jismonan finalga tayyor bo'lsa, o'sha o'yinchilar “Qizilqum”ga qarshi maydonga chiqadi. - Hujumchi masalasi nima bo'ldi ? Fikrimizcha, “Neftchi”ga yaxshi bir hujumchi kerak... - Xar bir murabbiy o'z tarkibida kuchli futbolchilar o'ynashini istaydi. Shu qatori men ham. Lekin qaysidir futbolchi bilan muzokara olib borib, uni klubga olib kelish oson ish emas. Gap selektsiya haqda ketyapti. OChLda o'ynaydigan klublarimizda bu borada muammo yo'q. Chunki xar bir o'yinchi xalqaro maydonda to'p tepishni istaydi. Fikrimcha, hozirgi “Neftchi”ning hujumchilari ham yomon emas. Men ularning o'yinini diqqat bilan kuzatyapman. Jamoamiz uchrashuvlar davomida gol kiritish uchun ko'plab imkoniyatlarni yuzaga keltirmoqda. Biroq vaziyatlardan foydalana olmaslik borasida oqsayapmiz. Hujumchilarimiz bilan bu borada ishlayapmiz. Ochig'ini aytaman, bu yil ko'proq maxalliy hujumchilarga imkoniyat beraman. Selektsiya esa davom etadi. Mavsum boshlanguncha, yana tarkibda o'zgarishlari bo'lishi mumkin. - “Qizilqum” jamoasi haqida nima deysiz? - Yaxshi jamoa. 3-4 ta o'yinlarini ko'rdim. Tarkibida jismonan kuchli futbolchilar ko'p. Taktik jihatdan ham yaxshi shakllangan raqib. - Umid Qodirov bir paytlar hujum chizig'ida o'ynardi. O'z vaqtida to'purar ham bo'lgan. Lekin “Neftchi”ga kelib Qodirov yarim himoyada o'ynayapti. Balki uni ham oldingi chizig'da sinab ko'rarsiz...  - Men Umidni yarim himoyachi sifatida bilaman. Klubga kelganimdan buyon uni hujumchi bo'lgani haqida endi eshitishim. Murod Ismoilov bilan ishlab yurgan kezlarimiz Umid Qodirovni ko'proq mazkur pozitsiyada foyda berishiga amin bo'lgan holda uni shu chizig'da maydonga tushirardik. Umid iqtidorli yigit. Agar u o'z ustida ishlashda davom etsa, Qodirov mamlakatimizdagi eng yaxshi yarim himoyachilardan biri bo'ladi. - Deyarli xar bir o'yinda darvozabon almashmoqda. Aytingchi, bu yil Abdumavlon Abdujalilov va O'tkir Yusupovdan qaysi biri asosiy darvozabon bo'ladi ? - Bu hali ham ochiq savol bo'lib turibdi. Hammasini vaqt ko'rsatadi. Ochig'i, bu masalani darvozabonlar murabbiyi hal etadi. Yana bir masala. Bizda Sergey Smorodin ismli darvozabon borligi ham unutmang. Sergey yaxshi darvozabon deb o'ylayman. Bu yil asosiy posbon bo'lishga u ham bemalol raqobat qila oladi. Mana o'tgan yili Evgeniy Cheremesin mavsum oldi o'yinlarda biroz ishonchsiz haraqat qildi. So'ng tanqid ham qilindi. Mavsum boshlangandan keyin Jenya nafaqat “Neftchi”ning balki butun chempionatdagi eng yaxshi darvozabonga aylandi. Mavsumga tayyorgarlik jarayonida o'yinchilarga to'liq baho berish qiyin. Aksariyat futbolchilar mavsum boshlansa “ochiladi”, - deb fikrlarini yakunladi Andrey Fyodorov.
— deya xabar beradi uff.uz nashri.