12 kuni davomida Birlashgan Arab Amirliklarining Dubay va Abu Dabi shaharlarida o'quv-mashg'ulot yig'ini o'tkazgan “Nasaf” futbolchilari 7 fevral kuni O'zbekistonga qaytishadi.
Yig'in davomida futbolchilar to'rtta nazorat uchrashuvini o'tkazishdi. Dastlab Janubiy Koreya chempioni “Chonbuk Motors” jamoasiga qarshi ikkita tarkibda uchrashuv o'tkazilgan bo'lsa (0:0, 3:5), keyingi bahsda Xitoyning “Xenan” jamoasi bilan 1:1 hisobida durang natija qayd etildi. So'nggi bahs esa Rossiyaning “Krilya Sovetov” jamoasi bilan o'tkazildi (2:4).
“Nasaf” delagatsiyasi 7 fevral kuni Sharja-Toshkent aviayo'nalishi orqali yurtimizga qaytib keladi. Qisqa tanaffusdan keyin futbolchilar Qarshidagi qarorgohlarida to'planishadi va 17 fevral kuni “Paxtakor”ga qarshi O'zbekiston superkubogi uchun kechadigan bahsga tayyorgarlikni boshlashadi.
— deya xabar beradi uff.uz nashri.