«Liverpul» klubi sobiq himoyachisi Jeymi Karrager jamoa muxlislari tomonidan bildirilgan norozilikka qo'shildi.
«Liverpul» muxlislari «Sanderlend»ga qarshi o'tkazilgan va 2:2 hisobida yakuniga etgan o'yinning 77 daqiqasida stadiondan chiqib ketganlar. Karrager ham ular bilan birgalikda tribunadagi o'rnini bo'shatib qo'ygan.
Gap shundaki, «Liverpul» rahbariyati chiptalar narhini 59 funt sterlingdan 77 funt sterlingga ko'targan edi. Muxlislar bunga norozilik belgisi sifatida aynan 77-daqiqada stadiondan chiqib keta boshlaganlar.
Eslatib o'tamiz, ayni daqiqalarga qadar «Liverpul» uchrashuvda 2:0 hisobida g'alaba qozonayotgan edi. Ammo qolgan daqiqalarda mersisaydliklar 2 ta gol o'tkazib yuborganlar va g'alabani qo'ldan boy berganlar.
— deya xabar beradi uff.uz nashri.