Ertaga, dushanba kuni “Bunyodkor” stadionida “Al-Shabab”ga qarshi bo'ladigan bahs oldidan o'yinoldi matbuot anjumani tashkil etiladi.
Soat 12:30da boshlanadigan tadbirning birinchi qismida “Al-Shabab” bosh murabbiyi Kaio Junior va futbolchilardan biri OAV vakillari savollariga javob qaytaradi.
Shundan so'ng “Bunyodkor” ustozi Sergey Lushchan va etakchi futbolchilardan biri jurnalistlar bilan muloqotga kirishadi.
Shuningdek, 8 fevral kuni har ikkala jamoa rasmiy mashg'ulotini o'tkazadi. Dubayliklar soat 16:00dan e'tiboran “Bunyodkor” stadioni maysalarini sinab ko'rishsa, “qaldirg'ochlar” soat 17:00dan boshlab asosiy maydonda mashq qilishadi. Har ikkala mashg'ulotning dastlabki 15 daqiqasi jurnalistlar uchun ochiq bo'ladi.
“Bunyodkor” – “Al-Shabab” uchrashuvi oldidan tashkil etiladigan har ikkala tadbirga OAV vakillarini taklif etamiz.
Eslatib o'tamiz, Osiyo Chempionlar ligasi “pley-off” bosqichi doirasidan o'rin olgan “Bunyodkor” – “Al-Shabab” uchrashuvi 9 fevral kuni “Bunyodkor” stadionida soat 17:00da boshlanadi.
— deya xabar beradi uff.uz nashri.