«Arsenal» va «Barselona» klublari sobiq hujumchisi Terri Anri «Manchester Siti» boshqaruviga tayinlanadigan Xosep Gvardiola haqida fikr bildirdi.
- Gvardiola jamoaga kelgani zahoti tarkibda o'zgarishlar qilishi shubhasiz.
U «Etixad Stedium»ga kirgani hamono qaysi futbolchilar talabga javob berishini bilib oladi. To'g'ri kelmaganlarga - xayr.
Bunda futbolchining narhi, unga qancha to'langani va o'tmishdagi g'alabalari mutlaqo ahamiyatsiz. Hech kim «Siti»dan ketmaslikdan kafolatlanmagan.
Gvardiola Angliyaga shunchaki premer ligada yutish uchun kelmayapti. U bu erga mutlaq ustunlik uchun kelmoqda. Bu esa «Siti»ning raqiblari uchun dahshatli kelajak.
U «Barselona»ni qabul qilib olganda hech kim jamoa yanada yaxshiroq o'ynashini o'ylamagan edi. Ammo u jamoani yangi saviyaga olib chiqa oldi va o'zining bemisl darajada g'alabali uslubini namoyish etdi, - deydi Anri.
— deya xabar beradi uff.uz nashri.