Ispaniya chempionati 23-turidan o'rin olgan “Levante” hamda “Barselona” jamoalari o'rtasidagi uchrashuv yakuniga etdi. Unda 0:2 hisobi qayd etilib, kataloniyaliklarning g'alabasi bilan yakunlandi. Uchrashuvning 22 daqiqasida Andres Inestaning uzatmasidan so'ng Navarro o'z darvozasini ishg'ol qilib qo'ydi. Bo'lim davomida maydon egalari bir qancha qulay vaziyatlarga ega bo'lishgandi, ammo, ularga tajriba va aniqlik etishmadi. Ikkinchi bo'limning so'nggi daqiqasida Luis Suares jamoasining ikkinchi golini kiritdi va "Barselona"ning g'alabasiga o'z hissasini qo'shdi. Shunday qilib, Luis Enrike jamoasi mazkur g'alabadan so'ng ochkolar sonini 54 taga etkazib, peshqadamlikni mustahkamlab oldi. Kataloniyaliklarda yana bitta zahira o'yini mavjud. "Levante" 17 ochko bilan so'nggi pog'onadan siljimadi.  Ispaniya chempionati, 23-tur “Levante” - “Barselona” – 0:2
Gollar: Navarro (22-avtogol), Suares (90+2)
Ogohlantirishlar: Feddal (23), Navarro (57), Lerma (66), Lopes (83) - Pike (29), Alves (63), Buskets, (89)
“Levante”:  Marino, Tono, Feddal, Navarro (Gilas, 69), Ivan Lopes, Simao, Versa (Kuero, 77), Morales, Lerma, Rossi, Deyverson (Kamarasa, 69)
“Barselona”: Bravo, Pike, Alba, Serji Roberto, Dani Alves (Vidal, 74), Maskerano, Rakitich (Buskets, 68), Inesta, Neymar, Messi, Suares
— deya xabar beradi uff.uz nashri.