5 fevral kuni “Barselona” hujumchisi Neymar 24 yoshni qarshi oldi. Shu munosabat bilan biz braziliyalik futbolchi haqidagi 20 ta faktni e'tiboringizga taqdim etamiz.
1. Neymar da Silva Santos Junior 1992 yilning 5 fevral kuni Braziliyaning San-Paulu shtatining Moji-das-Kruizis shaharchasida dunyoga kelgan.
2. 1999 yilda Neymarning ota-onasi uni “Santos” klubi futbol maktabiga o'qishga olib bordi.
3. Neymar “Santos”ning turli yosh toifasidagi jamoalarida to'p surib, nihoyat 2008 yilda asosiy jamoa bilan professional shartnoma tuzdi
4. U yosh bo'lishiga qaramay, yolg'iz emas. Futbolchi sevgilisi Karolina bilan baxtli hayot kechirmoqda. Ularning bir nafar o'g'li bo'lib, uning ismi David Lukkudir
5. Neymar olayotgan pullarining ma'lum qismini xayriya ishlariga sarf qilishga odatlangan. Futbolchi Braziliyada bo'lgan kezlarida, doimiy ravishda nochor oilalarga o'z yordamini berib keladi. Qolaversa, og'ir xastalik bilan kurashayotgan bemorlar uchun shifoxonalarga mablag' o'tkazib turishni ham kanda qilmaydi.
6. Futbolchi ko'plab reklama roliklarning yuzi hisoblanadi. “Red Bull”, “Santander”, “Unilever”, “Wolkswagen” cingari mashhur firmalar bilan shartnoma tuzgan bo'lib, yiliga katta miqdorda gonorar olib turadi.
7. U filmalarni tomosha qilishni va shu bilan birgalikda aktyorlik mahoratini ko'rsatishni yoqtiradi. Shu sababli 2013 yilda futbolchi Braziliyalik rejissyorlar tomonidan suratga olingan “Hayotni sevaman” serialida ham suratga tushgan.
8. Neymar Libertadores kubogi va Chempionlar ligasida zafar quchgan 8 nafar futbolchining biri hisoblanadi. U 2011 yili “Santos” bilan, 2015 yili esa “Barselona” bilan mazkur sovrinlarni qo'lga kiritgan.
9. Neymar 2009-2013 yillarda “Santos” libosida 224 bellashuvda maydonga tushib, raqiblar darvozalarini 134 marta ishg'ol qilgan.
10. “Barselona” tarkibida 2013 yildan buyon 118 o'yinda 75 gol urgan.
11. Braziliya U-20 va U-23 terma jamoalarida 13 o'yinda 5 ta golga mualliflik qilgan.
12. Braziliya milliy terma jamoasi libosida esa 69 uchrashuvda 46 marta o'z nomini tabloga yozidirib qo'ygan.
13. Neymar faoliyati mobaynida 9 “xet-trik”, 3 “poker” va 1 “penta-trik” qayd etgan.
14. Hujumchi faoliyati davomida jami 12 ta sovringa sazovor bo'lgan. U “Santos” tarkibida 3 bora Paulista ligasida, bir martadan Braziliya kubogi, Libertadores kubogi va Janubiy Amerika kubogida zafar quchgan bo'lsa, “Barselona” bilan bir martadan Ispaniya chempionati, kubogi, superkubogi, Chempionlar ligasi, UEFA superkubogi va klublar o'rtasidagi jahon chempionatlarida zafar quchgan. Shuningdek u bir marta Braziliya terma jamoasi tarkibida Konfederatsiyalar kubogida g'olib chiqqan.
15. U hozirga qadar 50 ta shaxsiy sovrinlarni qo'lga kiritgan.
Davomi Furqat Yusupov blogida.
— deya xabar beradi uff.uz nashri.