Yoshlar o'rtasida sog'lom turmush tarzini targ'ib qilish, ularning bo'sh vaqtlarini mazmunli o'tkazishda sportning o'rni beqiyos. Andijon viloyati, Oltinko'l qishlog'idagi “Saroy” sport majmuasida tuman hokimligi, “Kamolot” YoIH hamda “Armug'on Oltinko'l” fermer ho'jaligi tashabbusi bilan mahallalararo  mini-futbol musobaqasi tashkil etildi.
Zamonaviy barcha qulayliklarga ega sport majmuasida o'tkazilgan turnirda qishloqdagi mahalla yoshlaridan tuzilgan 12ta jamoa qatnashdi.
Murosasiz tarzda o'tgan bahslarni tomosha qilish uchun ko'p sonli tomoshabinlar yig'ilganini alohida aytib o'tish joiz. Yosh futbolchilar ham ishqibozlarni o'zlarining chiroyli o'yinlari bilan xushnud qildilar. Final bosqichiga yo'l olgan “Do'stlik” va “Jasorat” jamoalari o'rtasidagi uchrashuv durang natija bilan yakunlanib, g'olib penaltilar seriyasida aniqlandi. O'ziga hos “futbol lotoreyasida” omad “Do'stlik” jamoasiga kulib boqdi.
Sovrindor jamoalarga tashkilotchilar tomonidan esdalik sovg'alar hamda g'olib jamoaga kubok topshirildi.
-Oltinko'lni bejiz sportchilar tumani deb atamaydilar, bizda sportning barcha turlariga jumladan futbolga bo'lgan qiziqish juda kuchli,-deydi turnir tashkilotchisi, tuman Kengashi deputati Botirjon Muqimov. –Yil davomida mahalla fuqarolar yig'inlari bilan hamkorlikda ko'plab mana shunday musobaqalarni o'tkazishni rejalashtirganmiz. Elmurod ERMATOV, Andijon
— deya xabar beradi uff.uz nashri.