16 oktyabr kuni Qo'qon shahridagi “Markaziy” o'yingohda Oliy liga 25-tur doirasidagi “Qo'qon-1912” – “Lokomotiv” jamoasi o'rtasidagi o'yin bo'lib o'tadi. Ushbu jamoalarning o'zaro o'yinlardagi statistik ma'lumotlarni havola etamiz. Qo'qondagi birinchi uchrashuv
O'zbekiston kubogining amaldagi sohibi bo'lgan – “Loko” birinchi marta Qo'qonga tashrif buyuradi. Bu jamoalar shu kunga qadar atigi bitta o'yinda maydonga tushishgan. Shu yilning 24 may kuni Toshkentda bo'lib o'tgan bahsda Vadim Abramov shogirdlari 1:0 hisobida g'alaba qozongan edi. Navbatdagi o'yin jamoalarning o'zaro 2-uchrashuvi sifatida tarixda qoladi. Fakt: “Lokomotiv” 2003 yildan e'tiboran Oliy ligada ishtirok etib keladi. “Qo'qon-1912” esa 2002 yilda elitani tark etgan. O'yin ahamiyati
Bugungi kunga kelib har ikki jamoa uchun ham ochkolar suv va havodek zarur. “Lokomotiv” chempionlik uchun jiddiy bel bog'lagan bo'lsa, qo'qonliklar elitada qolish yo'lida kurashmoqda. Jamoamiz hozir xavfli zonadan biroz uzoqlashdi. Lekin xotirjam bo'lishga hali erta. Shuning uchun juma kuni muxlislar murosasiz va shiddatli bahsning guvohiga aylanishsa ajab emas. Yo'qotishlar
Chempionatning muhim pallasiga kelib jamoamiz kutilmagan yo'qotishlarga duch kelayotgani biroz achinarli. G'uzorga besh nafar etakchi o'yinchilarsiz tashrif buyurgan “Qo'qon-1912” jamoasi durang natija qayd eta olgandi. Endi “Loko” bilan bo'ladigan o'yinda ham shunday muammoga duch kelindi. Ikki nafar asosiy himoyachilar – Igor Golban va Ilya Ilin diskvalifikatsiya sabab 25-turni o'tkazib yuborishadi. O'zbekiston olimpiya terma jamoasi a'zolari Doniyor Usmonov va Quvondiq Ro'ziev huquqiy jihatdan “Lokomotiv”ga tegishli bo'lishgani sababli, juma kungi o'yinni tomoshabinlar qatorida kurishga majbur. Shunday bo'lsa-da, jamoamiz safida ularning o'rnini bosa oladigan o'yinchilar bor va bu gal ham yaxshi natija qayd etilishiga ishonamiz. G'alaba va omad senga hamisha yor bo'lsin, “Qo'qon-1912”! Birinchi davrada kimlar o'ynagandi? Oliy liga-2015. 10-tur “Lokomotiv” – “Qo'qon-1912” 1:0
Gol: T.Abduxoliqov 73
“Lokomotiv”: 12.Ma'mur Ikromov, 3.Shavkat Mullajonov, 10.Marat Bikmaev (11.Temurxo'ja Abduxoliqov, 67), 13.Lutfulla To'raev, 16.Jasur Hasanov (kichik) (24.Ibrohim Rahimov, 67), 17.Salim Mustafoev, 18.Temur Kapadze (S) (20.Islom To'xtaxo'jaev, 88), 22.Sanjar Shoahmedov, 31.Nemanya Yanichich, 77.Jasur Hasanov (katta), 99.Damir Koyashevich.
Zaxira: 12.Ignatiy Nesterov, 9.Dilshod Rahmatullaev, 21.Karen Abramov, 33.Oleg Zoteev.
“Qo'qon-1912”: 16.Andrey Baklanov,3.Hasanboy Ergashev, 7.Izzatbek G'aniev (15.Ma'ruf Zokirjonov, 89), 9.Nosirbek Otaqo'ziev, 17.Aziz To'xtaboev (S) (28.Aleksey Nikolaev, 62), 19.Vladimir Argun, 22.Orif Mamadjonov (6.Bahodir Akramov, 75), 23.Furqat Hasanboev, 24.Ilya Ilin, 29.Igor Golban, 18. Sardor Eminov.
Zaxira: 12.Aziz Ashurov, 4.Qahramon Mahamadjonov, 14.Avazxon Mamatxo'jaev, 27.Shoxruh Xolmatov.
Ogohlantirishlar: Sh.Mullajonov 44, T.Kopadze 59.
Hakamlar: Murod Muhamedov (Toshkent viloyati), Ziyodulla Abdurahmonov, Anvar Marajabov (Andijon), Rustam Toshmuhamedov (Toshkent viloyati).
Nazoratchi: Aleksandr Popov (Toshkent).
UzPFL: Ahrol Inoyatov. Uchrashuv hakamlari “Qo'qon-1912” – “Lokomotiv” bahsini Aziz Asimov boshchiligidagi hakamlar brigadasi boshqarib boradi. Oliy liga. 25-tur «Qo'qon-1912» (Qo'qon) – «Lokomotiv» (Toshkent)
Hakamlar: A. Asimov (Toshkent), T. Galeev (Toshkent), A. Po'latov (Toshkent), A. Najafaliev (Toshkent)
Nazoratchi: Sh. Jumaev (Qarshi).
— deya xabar beradi uff.uz nashri.