Tajribali himoyachi Shavkat Raimqulov bir muddat tanaffusdan keyin faoliyatini yana birinchi ligada davom ettirishi kutilmoqda. Raimqulov birinchi liga ishtirokchisi “Lokomotiv-BFK” safiga kelib qo'shildi. Ayni paytda bu jamoa bilan nazorat uchrashuvlarida ishtirok etmoqda. Katta ehtimol bilan Raimqulov “temiryo'lchilar”da to'p surishi kutilmoqda. Eslatib o'tamiz, himoyachi faoliyati davomida “Bunyodkor”, “Sho'rtan”, “Andijon”, “Buxoro” va “Oq-tepa” klublari sharafini himoya qilgan.  
— deya xabar beradi uff.uz nashri.