«Arsenal»ning etakchi o'yinchilaridan biri – Teo Uolkott Sky Sports jurnalistlaridan biri biri bilan bo'lgan suhbatda jamoada htkazgan 10 yili haqida gapirib o'tdi.
2006 yili «kanonirlar» ustozi Arsen Venger 16 yoshli Uolkott uchun 9 million funt sterling to'lagan. O'shanda Teo Angliya futbolidagi eng qimmat tineyjerga aylangandi.
«Bu hayotimdagi eng muhim kun edi». Ushbu gaplarni aytganda Teoning ko'zlari yonib turadi. «Venger bilan suratga tushishdan oldin futbolkam yo'q edi. Shunda yo'lning narigi tomonidagi do'konga borib, futbolka xarid qildim. Ammo bu libos do'kondagi eng kattasi ekan.
Umuman olganda, uni men emas, balki ota-onam sotib olishgan. O'zim hali yosh edim»,-deydi Uolkott.
Shundan so'ng u Chempionlar Ligasi finalini kutayotgan jamoa bilan uchrashdi. Uolkottning aytishicha, Terri Anrini jonli ko'rib, o'zini yo'qotib qo'ygan. «Kiyinish xonasiga birinchi bor kirganimda Pires, Anri, Bergkamplarni ko'rdim. To'g'risini aytsam, o'shanda karaxt ahvolga tushib qolgandim. Lekin murabbiy menga ishonarkan, ular bilan birga turishga haqliman, deb o'yladim. Aynan shu futbolchilar men uchun foydali bo'lishgan. O'tgan o'n yil ichida murabbiyga menga ishongani uchun minnatdorchilik tariqasida bor imkoniyatimni ishga solishga urindim. O'shanda hattoki, libosim ham o'z o'lchamimda bo'lmagan. Shortlar, mashg'ulotlar libosi, hammasi katta o'lchamda edi».
O'shanda Uolkott katta klubga o'tishga shoshildi, deb hisoblashgan. U «Arsenal»ga yanvarda qo'shilgan. Ammo keyingi mavsum boshiga qadar maydonga tushmagan. «Hammasi birdan kelmasligi va bardoshli bo'lishim kerakligini bilardim. Ko'p narsani o'rganishim uchun vaqtim etarli edi».
Lekin Teo «Arsenal» safida maydonga tushmagan bo'lsada, Sven Yoran Eriksson o'z qarori bilan barchani lol qoldirgandi. U futbolchini Angliya terma jamoasining JCh-2006da ishtirok etadigan tarkibiga kiritgandi. To'g'ri, musobaqada Teo bir daqiqa ham harakat qilmagan. «Buning yaxshi yoki yomon bo'lganini bilmayman. Ammo shunday turnirda qatnashib, barchasini o'z ko'zingiz bilan ko'rishingiz boshqacha. Aynan shundan so'ng premer-liga bahslarida maydonga tushishga qodirligimni ko'rsata olgandim», - deb eslaydi. Teo.
«O'zimdan ham oilamga qiyin bo'lgan. Paparatstsi men va Melni suratga olish uchun hamisha uyimiz atrofida izg'ib yurardi. Bir kun u bilan ovqatlangani bormoqchi bo'ldik. Shunda qo'shnilarimiz mashinamiz oldidagi jurnalistlarni haydab yuborishgan va u erdan chiqib ketishimiz uchun imkon yaratib berishgandi».
Aytgancha, Mel o'shanda Teoning dugonasi edi. Hozir esa rafiqasi, Finli ismli o'g'lining onasi.
Matbuotning o'n yillik e'tibori ham Uolkottni o'zgartirmagan. U kamsuqum, muloyim va yaxshi suhbatdosh. Bir so'z bilan aytganda, ajoyib yigit. «O'shandan buyon deyarli o'zgarmadim», - deydi «Arsenal» futbolchisi.
Lekin bu xususiyatlar maydonda uning uchun ishlamasligi mumkin. Gap shundaki, Teo o'ta mehribon. Bu borada u murabbiy bilan ko'p marta suxbatlashgan. «Murabbiy menga har doim yaxshi narsalarni o'rgatadi.
U maydonda keskinroq harakat qilishimni talab qiladi. Yaqinda mendan yanada ko'prog'ini kutayotgani va hali o'sishim kerakligini aytdi»,-dedi Uolkott.
Futbolchining faoliyatida jarohatlar katta rol o'ynagan. Joriy mavsumda u Olive Jirudan markaziy hujumchi pozitsiyasini «olib» qo'ydi. Ammo «Sheffild Uensdey»ga qarshi uchrashuvda jarohat olib, safdan chiqdi. Angliya kubogidan o'rin olgan «Tottenxem»ga qarshi uchrashuvda olgan jarohati esa bundanda jiddiy edi. O'shanda Uolkott 11 oy maydonga tusha olmagan.
Davomi InterFUTBOL gazetasi blogida.
— deya xabar beradi uff.uz nashri.