Italiyaning "Milan" klubi bosh murabbiyi Sinisha Mixaylovich hujumchi Mario Balotelli samaradorlik bobida o'z ko'rsatichlarini yaxshilaydi degan umiddaligini bildirdi. - Balotellidan ko'prog'ini kutyapman. Umid qilamanki, vaqti kelib, uning samaradorligi jamoaga foyda keltira boshlaydi. Ha, u o'z ko'rsatkichlarini ancha yaxshiladi, ammo biz hali haqiqiy Balotellini ko'rmadik. Unga hamon nimadir etishmayapti, - deya Mixaylovichning so'zlarini keltiradi Goal.com portali. Joriy mavsumda 25 yoshli hujumchi 10ta o'yinda atigi 2ta gol kiritgan.
— deya xabar beradi uff.uz nashri.