“Barselona” jamoasi hujumchisi Lionel Messini o'tgan yilning dekabr oyidan buyon buyrakdagi og'riqlar bezovta qilib kelmoqda. Tibbiy tekshiruvdan so'ng argentinalik futbolchining buyragida toshlar borligi aniqlangan va u bugun jarroh stoliga yotadi. Operatsiya jiddiy xarakterga ega emas. Shu sababli, jarrohlik muolajalaridan so'ng Messi uyiga qaytadi. Ma'lum bo'lishicha, tajribali hujumchi faqatgina “Valensiya”ga qarshi Ispaniya Kubogi yarim final javob uchrashuvini o'tkazib yuboradi.  
— deya xabar beradi uff.uz nashri.