Yaqin kunlarda FIFAga yangi rahbarni saylash bo'yicha saylovlar bo'lib o'tadi. Bu saylovlarda jahonda federatsiyaga a'zo bo'lgan jami 209ta barcha milliy assotsiatsiya vakillari ishtirok etadilar. Tabiiyiki, bu delegatlar orasida O'zbekiston vakili ham bor.
O'tajak saylovlarda Janni Infantino va shayx Salmoning imkoniyatlari yuqori baholanmoqda. Janni nomzodiga Evropa, Janubiy  va Shimoliy Amerika vakillari ko'proq ro'yxushlik berayotgan bo'lsa, Salmonni Osiyo va Afrikaliklar qo'llaydigandek.
Demak imkoniyatlar nazariy tomondan teng, bu erda bir dona ovoz ham barcha natijalarni o'zgartirib yuborishi mumkin.
Menimcha, saylovlarda bizning delegatlarimiz biroz mulohaza bilan ish yuritsalar yaxshi bo'lar edi. OFKda bo'lib o'tgan  saylovlarda rahabarlik kursisini egallagan Salmon tomonidan bizning termaga nisbatan hech ijobiy qarash bo'lmayapti.  
Masalan,  Janubiy Koreya bilan bo'lgan o'yin oldidan hakam almashtirildi, Qatar bilan bo'lgan uchrashuvda o'yin vaqti raqibimiz foydasiga surilgan.  
Men oddiy bir muxlis sifatida, futbolimiz kelajagini ko'zlab, vakilimizdan Infantinoga ovoz berishlarini so'ragan bo'lar edim. Chunki, uning jahon futbolining asosiy tashkilotiga boshliq bo'lish ehtimoli yuqoriroq.  
Kelajakda FIFA bilan yaqin aloqada bo'lsak futbolimiz rivoji uchun katta naf tegardi deb o'ylayman.
Hayotillo Temirov (UEFACOM)
— deya xabar beradi uff.uz nashri.