Futzal bo'yicha o'tkaziladigan Osiyo chempionati oldidan “V” guruhlari jamoalari bosh murabbiylari ishtirokida matbuot anjumani bo'lib o'tdi. Murabbiylar avvalo o'z fikrlarini bildirib o'tdilar va musobaqa tashkilotchiligi uchun OFK hamda mezbon O'zbekistonga minnatdorchilik so'zlarini aytdilar. Shundan so'ng navbat savol javob qismiga o'tdi.
-    Terma jamoalar tarkibida Osiyo chempionatida eng ko'p qatnashgan futzalchilari bormi?
-    Eron: Mashhur futzalchilarimiz Asqar Xasanzoda, Mexdi va Muhammad Kashavorzlar tarkibimizda bor.
-    Iordaniya. Samar Samed terma jamoamizning eng tajribali futzalchilaridan va u Qatar chempionatida to'p surib keladi. Ayni vaqtda u tarkibimizda bor.
-    Iroq: Xusayn Obid Ali va Mustafo Bachcha qit'a birinchiliklarida ko'p bora ishtirok etishgan va ular Toshkentda ham bizga yordam beradilar.
-    Xitoy:  Lo King va Do Ling terma jamoamiz safida eng ko'p maydonga tushishgan. Ular Osiyo chempionatida ham ishtirok etishadi.
-    Savolim Eron terma jamoasi bosh murabbiyiga. Bu jamoa nafaqat qit'a, balki jahonda ham etakchi jamoalardan. Guruhda eng asosiy raqibingiz kim? Shuningdek guruhdan chiqqach O'zbekistonga qarshi o'ynashingiz mumkin. Shaxsan o'zingiz buni istamagan bo'larmidingiz yoki farqi yo'qmi?
-    Biz guruhdagi barcha raqiblarni hurmat qilamiz. Nafaqat guruhdagi balki Osiyo chempionatidagi 16 jamoaning barchasini teng kuchli deb bilamiz. O'zbekiston terma jamoasiga qarshi kechadigan o'yinga kelsak, biz musobaqada qadamba qadam ishtirok etamiz. Avvalo guruhdan chiqishni o'ylaymiz. Keyingi bosqichda esa kimga qarshi o'ynashning farqi yo'q. Biz raqib tanlamaymiz. Chunki raqib kim bo'lishidan qat'iy nazar uni baribir mag'lubiyatga uchratishimiz shart. Biz bu erga Osiyo chempioni bo'lish uchun kelganmiz.
-    Iroqdan “Nastrul Asad” jamoasi klublar o'rtasidagi jahon chempionatida ishtirok etgan edi. Bu klubdan necha futzalchi terma jamoa tarkibida bor?
-    “Nastrul Asad”dan 12 futzalchini termaga chaqirganmiz.
-    Eron terma jamoasi qit'adagi etakchi jamoa hisoblanadi. Markaziy Osiyoda futzal rivoji uchun qanday ishlar amalga oshirish kerak, deb o'ylaysiz?
-    Eron qit'adagi eng kuchli jamoa va mamlakat ligasi kuchli. Yoshlar, o'smirlar va ayollar terma jamoalari Markaziy Osiyoda futzalning rivoji uchun yordam bera oladi. Savolga birmuncha boshqacha javob berganim uchun uzr.
-    Har to'rt jamoa vakillari ertaga bo'ladigan o'yinlar haqida qanday fikrdalar?
-    Xitoy: Ertaga bo'ladigan o'yinda muvaffaqiyat qozonishdan umidvormiz.
-    Iroq: Ertaga Xitoyga qarshi maydonga tushishimiz kerak. Raqib juda tezkor o'yin namoyish etadi. Ammo biz bor imkoniyatimizni ishga solishga va bu o'yinda g'alaba qozonishga harakat qilamiz.
-    Iordaniya. Biz qit'ada yaxshi reytingga ega bo'lmasligimiz mumkin. Raqibimiz Eron esa reytingda birinchi o'rinda maydonga tushamiz. Futzalning go'zalligi ham shundaki, ertaga eng kuchsiz jamoa eng kuchli raqibga qarshi kurashishga urinib ko'radi. Biz bu kurashda bor imkoniyatimizni ishga solamiz.
-    Eron: Musobaqadagi birinchi o'yin eng qiyin o'yin bo'ladi. Biz buni yaxshi tushunamiz. Shu sababli biz Iordaniyaga qarshi bor kuchimizni yig'ib maydonga tushamiz. Faqat shundan so'ng keyingi o'yin haqida o'ylaymiz.

— deya xabar beradi uff.uz nashri.