Futzal bo'yicha Osiyo chempionati boshlanishi oldidan “A” guruhi jamoalari bosh murabbiyilari ishtirokida matbuot anjumani bo'lib o'tdi. Anjumanda O'zbekiston futzal terma jamoasi bosh murabbiyi Xose Mendes ham ishtirok etdi. Tadbir murabbiylarning musobaqaga ko'rilgan tayyorgarlik haqidagi fikri bilan boshlandi.
- Qirg'iziston: Terma jamoamiz Osiyo chempionatiga juda yaxshi tayyorgarlik ko'rdi. Biz Rossiyada ikkita yig'in o'tkazdik va superliganing kuchli klublari “Moskva” va “Dinamo”ga qarshi o'rtoqlik o'yinlari o'tkazdik. Biz qit'a birinchiligiga to'liq tayyormiz.
- Livan: Biz musobaqaga tayyorgarlik ko'rish jarayonida Livanda va Evropada yig'in o'tkazdik. Ammo Vengriyadagi yig'indan farqli o'laroq asosiy tayyorgarlik Livanda olib borildi. Musobaqa juda keskin o'tadi, degan fikrdaman. Tayyorgarlik jarayonida barcha rejalarga asosan ishladik. Biz jahon chempionati yo'llanmasini qo'lga kiritish uchun kurashmoqchimiz.
-    O'zbekiston: Biz oxirgi bir necha oyda yaxshi tayyorgarlik ko'rdik. Yig'inlar Osiyo va Evropada o'tkazildi va bir qator kuchli jamoalar bilan o'rtoqlik o'yinlari o'tkazdik. Menimcha biz eng qiyin guruhlardan biridamiz. Bizning maqsadimiz boshqa raqiblar singari guruhdan chiqish vazifasini bajarishga intilamiz. O'zbekiston hali biror marta jahon chempionatida ishtirok etmagan. Biz tarixda ilk marta mana shu yo'llanmani qo'lga kiritish istagidamiz. Bu maqsad yo'lida yaxshi tayyorgarlikka egamiz.
-    Saudiya Arabistoni: Biz eng avvalo bizni yaxshi kutib olishgani uchun O'zbekistonga ulkan minnatdorchilik bildirmoqchimiz. Jamoamiz musobaqaga juda yaxshi tayyorgarlik ko'rgan. Biz musobaqaga tayyorgarlik ko'rish davomdia juda og'ir o'yinlarda maydonga tushdik va kerakli tayyorgarlikka ega bo'ldik. Biz yaxshi va qiziqarli o'yin namoyish etishga intilamiz.
-    Barcha murabbiylar ertaga bo'ladigan o'yinlar haqida o'z fikrlarini bildirsalar.
-    Qirg'iziston: Musobaqadagi ilk o'yin har doim og'ir kechadi. Bu o'yinga butun musobaqadagi natija ham bog'liq bo'ladi. Raqibimiz kuchli. Bizning vazifamiz esa mana shu raqibni hayron qoldirish va g'alabaga erishish.
-    Livan: Albatta Qirg'iziston terma jamoasi juda kuchli. Bu jamoa bir necha bor Osiyo chempionati chorak finaliga chiqishgan. Qolaversa bu raqibga qarshi o'ynash qay darajada og'ir bo'lishini tushunib turibmiz. Ammo biz bor kuchimizni ishga solamiz.
-    O'zbekiston: Birinchi o'yin qiyin bo'lishi turgan gap. Ammo biz muxlislar qo'llashi tufayli bu qiyin o'yindan oson o'tishga umid qilaman. Saudiya Arabistoni salohiyati juda kuchli deb hisoblayman. Biz bu raqibni ancha vaqt o'rgandik. Ularning tarkibida tezkor va kuchli futbolchilar bor. Bu jamoaning o'yini muxlislarni hayron qoldirishi turgan gap.
-   Saudiya Arabistoni. O'zbekiston terma jamoasi ham jamoa, ham tarkibdagi futbolchilar nuqtai nazaridan katta tajribaga ega. Ammo biz shunday raqibga qarshi tura olmiz deb o'ylayman. Biz g'alaba qozonishimizga ishonaman.
-    Savolim janob Mendesga. Musobaqa oldidan o'zingiz istagan tarkibni yig'a oldingizmi? Guruhdagi vaziyat ancha murakkab hisoblanadi.
-    Albatta biz istagan tarkibni yig'ishga muvaffaq bo'ldik. Afsuski oxirgi daqiqalada Xurshid Tojiboev jarohat olib safdan chiqdi. Ammo bu holat bizga bahona bo'lmasligi kerak. Biz ayni vaqtdagi tarkib bilan vazifani bajarishimiz shart. Bizning maqsadimiz bitta.
-    Savolim Qirg'iziston terma jamoasi bosh murabbiyiga. Aytingchi siz uchun zamonaviy texnologiyalar qay darajada ahamiyatga ega va raqiblarni o'rganishda shunday dasturlardan foydalandingizmi?
-     Futzal bir joyda turgani yo'q va har kuni yangiliklar chiqib turibdi. Biz bunday dasturlardan foydalanishni boshlaganmiz. Ular tahlil uchun juda ko'p ma'lumotlar beradi. Shuningdek yordamchilarim ham menga o'yinlarni o'rganishda yordam berganlar. Raqiblar o'yinlarini kuzatib bordik va shunga yarasha xulosalar chiqarganmiz.
-  Barcha murabbiylarga savolim. Ular o'zlari istagan tarkibni olib keldilaringmi?
-  Qirg'iziston: Jamoamiz tarkibida imkon qadar ko'proq jangga layoqatli futbolchilar bo'lishini istagan bo'lardim. Afsuski o'yinimizni kuchaytirishi mumkin bo'lgan ba'zi sportchilar biz bilan birga kelmadi. Bunga bir qator sabablar bor. Ammo tarkibimizda shundoq ham kuchli futzalchilar etarli.
- Iordaniya: Biz bu musobaqaga hech qanday yo'qotishlarsiz, to'liq tarkib bilan keldik. To'g'ri, biroz engil jarohat olgan futzalchilar bor edi, ammo ular safga qaytishga ulgurganlar.
- Saudiya Arabistoni: Biz kuchli jamoalarga qarshi o'ynaymiz va ayni vaqtdagi tarkibimiz bilan kuchli o'yin namoyish qilishimizga ishonamiz.
-    Savolim barcha murabbiylarga. Tashkilotchilikka qanday baho berasiz?
-   Qirg'iziston: O'zbekistonda sport rivoji uchun barcha sharoitlar yaratilgan. Futzal rivoji uchun infrastruktura yaxshi yo'lga qo'yilgan. O'zbekiston qit'a darajasidagi musobaqani qabul qilish uchun barcha sharoitga ega.
-   Iordaniya: Hozircha hammasi yaxshi hech qanday muammo yo'q. Avvalgi Osiyo chempionatlariga  qiyosan aytadigan bo'lsak, o'yinlar bo'ladigan va mashg'ulotlar o'tkaziladigan maydonlarga kelsak, qoplamalar ajoyib holatda. Barchasi futzal o'ynash uchun juda qulay.
-   O'zbekiston: Biz markaziy sport majmuasida mashg'ulotlar o'tkazdik va hech qanday muammoga duch kelmadik. Hammasi juda yaxshi holatda.
-    Saudiya Arabistoni: O'zbekistonda Osiyo chempionati o'tkazish uchun hamma sharoitlar yaratilgan. Bizdan talab faqat yaxshi o'yin namoyish qilish. Biz shu ishni amalga oshirmoqchimiz.
-    Savolim Saudiya Arabistoni bosh murabbiyiga. Ertaga sizga qarshi juda kuchli raqib maydonga tushadi. Qo'rqmaysizmi?
-    Albatta O'zbekiston terma jamoasi ancha tajribali va kuchli futzalchilarga ega. Ammo biz ertaga barcha umidni o'z futzalchilarimizga qaratmoqchimiz. Ular maydonga bor kuchlarini tashlab chiqishlari uchun barcha sharoitni yaratib berganmiz. Futzalchilarimiz kuchli jamoalarga qarshi kechadigan o'yinda o'zlarini yo'qotib qo'ymasliklariga ishonamiz.

— deya xabar beradi uff.uz nashri.