"Barselona" yarim himoyachisi Serxio Buskets jamoadan ketish niyati yo'qligini bildirdi. Shu bilan birga yarim himoyachi qanday sabablarga ko'ra Kataloniyadan ketishi mumkinligini aytgan.
"Men har doim gapirib kelganman, faqat ikki kishi meni "Barselona"dan ketishga ko'ndirishi mumkin. Ularning biri xotinim - ammo u "Barselona"ga muxlislik qiladi. Shunday ekan, bu borada muammo bo'ladi deb o'ylamayman.
Sport tomonlama esa bu ishni Gvardiola qila olishi mumkin. Men Gvardioladan juda qarzdor ekanim ma'lum va u bilan yana birga ishlash men uchun ulkan sharaf bo'ladi. Ammo u "Barselona" - mening klubim ekanini yaxshi biladi. Bu klub shuningdek uniki ham hisoblanadi. Shunday ekan, u mendan ketishni so'ramasligiga ishonaman", - deydi Buskets.
— deya xabar beradi uff.uz nashri.