Nukus shahrida gandbol bo'yicha erkaklar o'rtasida O'zbekiston chempionatining birinchi davra o'yinlari o'tkazildi.
Unda Olmaliq tog'-metallurgiya kombinati, Navoiy davlat pedagogika instituti, Andijon, Urganch va Buxoro olimpiya zaxiralari kollejlari, O'zbekiston Milliy universiteti, O'zbekiston davlat jismoniy tarbiya instituti, Qoraqalpoq davlat universiteti, Qashqadaryo va Namangan viloyatlari jamoalari o'zaro kuch sinashdi.
Birinchi davra yakunlariga ko'ra Olmaliq tog'-metallurgiya kombinati jamoasi 10 ochko jamg'argan holda turnir jadvalida peshqadamlik qilmoqda. Ulardan bir ochko jamg'argan Qoraqalpoq davlat universiteti jamoasi ikkinchi, sakkiz ochkoga ega Andijon olimpiya zaxiralari jamoasi uchinchi o'rinda borishmoqda.
O'zbekiston chempionatning ikkinchi davra o'yinlari 28 mart – 3 aprel kunlari Xorazm viloyatida bo'lib o'tadi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.