Yurtimizda bo'lib o'tadigan futzal bo'yicha Osiyo chempionatiga so'nggi tayyorgarlik ishlari amalga oshirilmoqda. Tashkilotchilar tomonidan ma'lum qilinishicha, o'yinlar bo'lib o'tadigan «O'zbekiston» va «Universal» sport majmualarida OFKning barcha talablari amalga oshiriladi.
Xususan, ob-havo har qancha noqulay kelsa-da, sport majmuasi ichida OFK tomonidan qo'yilgan talab, +18 daraja iliq havo ta'minlanadi. Majmualarda bunga mos keladigan texnologiyalar o'rnatilgan.
O'z navbatida Uff.uz  sayti barcha muxlislarni qit'a birinchiligi bahslarini tomosha qilish uchun «O'zbekiston» va «Universal» sport majmualariga borishga chaqiradi. Eslatib o'tamiz, ertaga soat 16.00da guruhdagi raqiblarimiz Qirg'iziston va Livan terma jamoalari o'rtasida ilk bahs bo'lib o'tadi. 18.00da musobaqaning rasmiy ochilish marosimi o'tkaziladi va shundan so'ng O'zbekiston va Saudiya Arabistoni terma jamoalari maydonga tushadi.
Uff.uz ushbu uchrashuvdan onlayn-translyatsiya qilishni rejalashtirgan.
— deya xabar beradi uff.uz nashri.