Angliya Kubogi 4-bosqich javob o'yinida "Vest Xem" jamoasi "Liverpul" klubiga qarshi bahs olib bordi. Unda 2:1 hisobi qayd etilib, "bolg'achilar" foydasiga hal bo'ldi.
O'yinning 45-daqiqasida mezbonlar vakili Antonio hisobni ochgan bo'lsa, 48-daqiqada jarohatidan forig' bo'lib safga qaytgan Koutino muvozanatni tikladi. Uchrashuv so'nngiga qadar boshqa gollar kiritilmadi.
Musobaqa reglamentiga ko'ra jamoalar ekstra taymlarga murojaat qilishdi. Qo'shimcha vaqtning ikkinchi bo'lim so'nggi daqiqalarida Ogbonna gol kiritib, "Vest Xem"ni nimchorak finalga olib chiqdi.
Shu tariqa Yurgen Klopp jamoasi musobaqani tark etishga majbur bo'ldi.
Angliya Kubogi, 4-bosqich javob uchrashuvi
Vest Xem – Liverpul 2:1
Gollar: Antonio, 45, Ogbonna, 120+1 - Koutino, 48
Vest Xem: Rendolf, Rid (Kollinz, 65), Kressuell, O'Brayen (Mozes, 83), Ogbonna, Obiang, Nobl, Antonio, Kuyate (Kerroll, 75), Paye, Valensiya.
Liverpul: Minole, Styuart, Smit, Flanagan, Ilori, Chirivelya (Milner, 101), Leyva, Ayb, Joau Karlush (Oriji, 59), Koutino (Starrij, 59), Benteke.
Ogohlantirishlar: Antonio - Styuart
— deya xabar beradi uff.uz nashri.