«Barselona» himoyachisi Dani Alves kataloniyaliklar bilan yangi shartnoma imzolash niyatida.
O'ttiz ikki yoshli himoyachi Xitoydan moliyaviy jihatdan juda foydali taklif olgan. Unga ko'ra braziliyalik himoyachi uch yillik shartnoma va yiliga 12 million evro maosh olishi mumkin.
Ammo Alves bu taklifni qabul qilmasdan, undan foydalangan holda «Barselona» bilan yangi shartnoma imzolashni istamoqda. Ayni vaqtda uning shartnomasi 2017 yilga qadar davom etishi ko'zda tutilgan bo'lib, uning muddatini yana bir yilga uzaytirish bo'yicha band bor. Alves mana shu bandni amalga oshirishni istamoqda.
Eslatib o'tamiz, Xitoyda transfer mavsumi 26 fevralda yakuniga etadi.
— deya xabar beradi uff.uz nashri.