Kecha OChL-2016 pley off uchrashuvlari bo'lib o'tdi. Bir o'yindan tashkil topgan ushbu uchrashuvlar OChL-2016 guruhlaridagi to'rtinchi ishtirokchini aniqlab berdi.
Sizga ma'lumki,  “Nasaf” bu yilgi OChLda “D” guruhdan joy olgan. Kecha bo'lib o'tgan ushbu guruhdagi pley off uchrashuvida Tehronning “Naft Tehron” jamoasi hamyurtimiz Sardor Rashidov to'p tepayotgan Qatarning “Al-Jaish” jamosini qabul qildi. Afssuki, “Ozodiy” stadionida bo'lib o'tgan uchrashuvda tehronliklar mavjud imkoniyatdan foydalana olishmadi va 0:2 hisobida Sardor Rashidov jamoasiga mag'lub bo'lishdi. Uchrashuvdagi gollarga marokkalik Razzoq Hamdullo va braziliyalik Romaneriolar mualliflik qilishgan. Gollar uchrashuvning 63 va 90-daqiqalarida kiritilgan.
Shunday qilib, OChL-2016 “D” guruhida “Nasaf”ning yana bir raqibi – Qatarning “Al-Jaish” jamoasi bo'ladi.
“Nasaf” jamoasi guruh bosqichida “Al-Jaish”ga qarshi  dastlab safarda maydonga tushadi, bu  uchrashuv 16 mart kuniga belgilangan,  5 aprel kuni esa mazkur jamoalar ishtirokidagi uchrashuv Qarshida bo'lib o'tadi.
— deya xabar beradi uff.uz nashri.