Xabaringiz bor, “Barselona” jamoasi hujumchisi Lionel Messining buyragida toshlar borligi aniqlangandi. Kecha uning buyragidagi toshlar jarrohlik aralashuvisiz, maxsus ultratovush to'lqinlar yordamida olib tashlandi. Bir soat davom etgan operatsiyadan so'ng Messi o'z rafiqasi Antonella hamda klub shifokorlari Rikard Pruna va Pepe Kosta nazoratida uyiga ketdi. Ma'lum bo'lishicha, 28 yoshli futbolchi qisqa vaqt davomida tiklanish jarayonini o'tkazadi. U faqatgina “Valensiya”ga qarshi Ispaniya Kubogi yarim final javob uchrashuvini o'tkazib yuboradi.
— deya xabar beradi uff.uz nashri.