Kecha "Bunyodkor" klubi Osiyo Chempionlar ligasi guruh bosqichiga o'tish "Ash-Shabob" jamoasini 2:0 hisobida mag'lubiyatga uchratib, guruh bosqich yo'llanmasini qo'lga kiritdi.
Uchrashuvdan so'ng "qaldirg'ochlar" sardori Akmal Shorahmedovning o'yin borasidagi fikrlari bilan qiziqdik.
“G'alaba biz uchun muhim edi. “Bunyodkor”ning Osiyo chempionlar ligasiga chiqishi futbolimizning nufuzini oshiradi. Faqatgina mamlakat chempionati bilan cheklanib qolmasligimiz kerak. Endilikda guruh bahslarida muvaffaqiyatli ishtirok etish uchun guruhdan chiqib olishimiz va sovrinli o'rinlar uchun kurashishimiz kerak bo'ladi. Kelasi 2-3 yil davomida OChLda o'zbek jamoalarining sonini oshirish uchun ham g'alaba qozonishimiz kerak. Jamoaning asosiy maqsadi – chempionlar ligasida yuqori natijaga erishish”, - deydi tajribali himoyachi.
— deya xabar beradi uff.uz nashri.