Madridning "Real" klubi sobiq himoyachisi Manuel Sanchis klub rahbariyati va futbolchilarini tanqid qildi. Sanchisning aytishicha, klub so'nggi yillarda o'z darajasida o'ynay olmayapti.
"Ba'zan o'ylab qolaman, "Real"da ilgarigidek talablar qo'yilmayapti shekilli. Biz joriy mavsumda "Real" raqobatbardosh ekanini ko'rmadik. Jiddiy o'yinlarga qadar esa juda oz vaqt qolmoqda.
Sovrinlarga keladigan bo'lsak, haqiqat shundaki, XXI asr biz istagandek kechmayapti. Hammasidan ham printsipial raqib - "Barselona" bilan solishtirganda bu juda alamli ko'rinadi", - deydi Sanchis.
Eslatib o'tamiz, ayni vaqtda "Real" 50 ochko bilan Ispaniya chempionatida uchinchi o'rinda bormoqda. "Barselona" va "Atletiko" 4 va 1 ochko bilan oldinga o'tib kegan.
— deya xabar beradi uff.uz nashri.