Mamlakatimiz mustaqillikka erishgandan so'ng boks bo'yicha bir qator yutuqlarga erishildi. O'zbekiston terma jamoasi kattalar o'rtasida o'tkazilgan jahon chempionatlarida 11 marotaba mustaqil jamoa sifatida ishtirok etdi (Qatarda davom etayotgan JChga qadar).  O'zbekiston Milliy Olimpiya Qo'mitasining rasmiy sayti bo'lgan Olympic.uz ushbu jahon chempionatlaridagi ishtirokni tahlil qilib chiqdi.
E'tiborlisi, dunyoning eng kuchli charm qo'lqop ustalari ishtirokida o'tkaziladigan mazkur nufuzli musobaqalarning barchasida hamyurtlarimiz sovrindorlar safidan o'rin egallashgan.
Dohada o'tkazilayotgan jahon chempionatiga qadar terma jamoamiz a'zolari o'tgan 11 ta jahon chempionatida 6 ta oltin, 7 ta kumush va 11 ta bronza medali bilan taqdirlangan edilar.
Quyida, avvalgi jahon chempionatlarida sovrinli o'rinlarni egallagan yurtdoshlarimiz berilgan:
1993 yil 7-16 may. Tampere (Finlyandiya)
Kumush – Xikmatilla Ahmedov (-51 kg)
1995 yil 4-15 may. Berlin (Germaniya)
Bronza – Dilshod Yorbekov (-75 kg)

1997 yil 18-26 oktyabr. Budapesht (Vengriya)
Oltin – Ruslan Chagaev (-91 kg)
1999 yil 15-29 avgust. Xyuston (AQSh)
Oltin – Muhammadqodir Abdullaev (-63,5 kg)
Oltin – O'tkirbek Xaydarov (-75 kg)
Kumush – To'lqinboy Turg'unov (-57 kg)
2001 yil 3-10 iyun. Belfast (Sh.Irlandiya)
Oltin – Ruslan Chagaev (+91 kg)
Kumush – O'tkirbek Xaydarov (-75 kg)
Bronza – Sherzod Xusanov (-64 kg)
2003 yil 6-13 iyul. Bangkok (Tailand)
Kumush – Sherzod Xusanov (-64 kg)
Bronza – Bahodirjon Sultonov (-54 kg)
Bronza – Rustam Saidov (+91 kg)
2005 yil 13-20 noyabr. Myanyan (Xitoy)
Kumush – Dilshod Mahmudov (-64 kg)
Bronza – O'tkirbek Xaydarov (-81 kg)
Bronza – Jasur Matchanov (-91 kg)
2007 yil 23 oktyabr – 3 noyabr. Chikago (AQSh)
Oltin – Abbos Atoev (-81 kg)
2009 yil 1-12 sentyabr. Milan (Italiya)
Oltin – Abbos Atoev (-75 kg)
Kumush – Elshod Rasulov (-81 kg)
Bronza – Bahodirjon Sultonov (-57 kg)
Bronza – Botirjon Mahmudov (-69 kg)
2011 yil 26 sentyabr – 8 oktyabr. Boku (Ozarbayjon)
Bronza – Jasurbek Latipov (-52 kg)
Bronza – Elshod Rasulov (-81 kg)
2013 yil 14-26 oktyabr. Almati (Qozog'iston)
Kumush – Jasurbek Latipov (-52 kg)
Bronza – Oybek Mamazulunov (-81 kg)
Agarda kechagi yarim final janglardan keyin qo'lga kiritilgan uchta bronza medalini ham hisoblasak, hamyurtlarimizning jahon chempionatlarida qo'lga kiritgan umumiy medallari soni 27 taga etadi. Ertangi bahslarda ham vakillarimiz yana uchta medalga sazovor bo'ladilar.
Demak, shu kunga qadar bokschilarimiz dunyo birinchiliklarida jami 30 ta medalga sazovor bo'lganlar. Bu medallarga 12 ta jahon chempionatida erishilganligini inobatga oladigan bo'lsak, O'zbekiston boks maktabining mavqei jahonda qay darajada yuqori ekanligiga guvoh bo'lish mumkin. Shavkat Jalilov Eslatma: O'zbek sportiga oid eng so'nggi yangiliklar bilan O'zbekiston Milliy Olimpiya Qo'mitasining rasmiy sayti bo'lgan Olympic.uz'da tanishib borishingiz mumkin.

— deya xabar beradi uff.uz nashri.