Futzal bo'yicha O'zbekiston va Saudiya Arabistoni terma jamoalari o'rtasida kechgan uchrashuvdan so'ng raqib jamoa bosh murabbiyi Abdulloh Al Rashod matbuot anjumanida ishtirok etdi.
- O'zbekistondek kuchli terma jamoaga qarshi biz munosib o'yin namoyish qila oldik va bundan behad xursandmiz. Biz o'zimiz namoyish etgan o'yindan uyalmaymiz. Hisob 2:5 bo'lsada, biz himoyadagi xatolar tufayli gol o'tkazdik. Himoya bugun bizga pand berdi. Hisob hali 0:0 bo'lib turgandayoq biz gol urish uchun 5 ta qulay vaziyatga ega bo'lgan edik. Futzalni yaxshi tushunadigan odam biladiki, gol o'tkazib yuborilgan vaziyatlarda tajribasizlik pand beradi. Biz hali futzalda etarlicha tajribaga ega emasmiz. Saudiya Arabistoni terma jamoasi o'yindan o'yinga tajribasini oshirib boradi. Bugungi o'yinda biz shunday jamoa borligini butun Osiyoga namoyish eta oldik. Nasib qilsa keyingi o'yinlarda bundanda qat'iyroq o'yin namoyish qilamiz. Yakunda shuni aytib o'tmoqchiman, mana bunday ishqibozlar to'lib toshgan o'yingohda qit'aning eng kuchli termalaridan biriga qarshi munosib o'yin namoyish etganidan futzalchilarimdan xursandman.
- Qirg'iziston va Livan o'rtasida kechgan o'yinni tomosha qildingizmi? Bu jamoalariga qarshi o'yinlardan nima kutmoqdasiz?
- Bugungi o'yinda Saudiya Arabistonining muhim futzalchilaridan biri o'ynamadi. Keyingi o'yinlarda biz yaxshi natijaga erishib, guruhda ikkinchi o'rinni egallay olamiz, deb o'ylayman.
- Ikkinchi o'yinda nimalarga e'tibor qaratmoqchisiz?
- Livanga qarshi kechadigan ikkinchi o'yinda imkon qadar ko'proq gol urishga harakat qilamiz.
- Jamoangiz ikkinchi bo'limda charchab qoldi.
- Biz jismoniy imkoniyatlarimizni oshirib borishga harakat qilamiz. Ammo gollar jismoniy tayyorgarlikdagi muammo tufayli o'tkazib yuborildi, deb o'ylamayman. Futbolchilarning alohida xatolari pand berdi. Masalan, darvozabon oldinga chiqib ketib, golga olib keldi. Jismoniy holatimiz hozir ham yomon emas, ammo biz bundan keyin ham uni kuchaytirishda davom etamiz.
- Birinchi bo'limda Saudiya Arabistoni darhaqiqat kuchli o'yin namoyish qildi. Murabbiy O'zbekistonning o'yinini yaxshi o'rgangani ko'rinib turibdi. Endi o'yin yakunlangach, o'z siringizni ochib, O'zbekistonning aynan qanday kamchiligidan foydalanganingizni ayta olasizmi?
- Menimcha Saudiya terma jamoasi O'zbekiston uchun haqiqiy syurpriz bo'ldi. Ammo O'zbekiston kuchsiz o'ynadi, demoqchi emasman. Biz shunchaki kuchli o'ynadik. Kechagi matbuot anjumanida kimdir Saudiya Arabistonini kuchsiz jamoa deb atagandi. Biz bu o'yinda kutilmagan sovg'a qilishni va'da qilgan edik va bu va'dani bajardik.
— deya xabar beradi uff.uz nashri.