Evropa chempionatlarida navbatdagi tur uchrashuvlariga start beriladi. Mazkur haftaning dam olish kunlari zerikarli o'tmasligi aniq. Nimaga deysizmi? Unday bo'lsa qo'yidagi uchrashuvlar anonsi bilan tanishing.
Ispaniya La Ligasi
Keling dastavval navbatdagi turga start berilgan Ispaniya chempionatidan boshlasak. La Liga 7-turini “Selta” – “Xetafe” uchrashuvi ochib berdi. Mazkur o'yinda hisob ochilmadi va “Selta” mag'lubiyatsiz seriyasini davom ettirdi.
Turnir ikkita asosiy uchrashuvi bor: avvaliga “Sevilya” o'z maydonida “Barselona” bilan bahs olib borib, o'z holatini yaxshilashga urinib ko'rsa, “Madrid derbisi”da Diego Simeone shogirdlari “Real” futbolchilari bilan to'qnashadi.
03.10.2015
"Sevilya" – "Barselona" (19:00)
04.10.2015
"Atletiko M" – "Real Madrid" (23:30)
Bundesliga
Germaniya chempionatida ham navbatdagi, 8-turga start berildi. Ushbu turning markaziy uchrashuvida chempionatning eng kuchli klublari – “Bavariya” va “Borussiya D” o'zaro to'qnash kelishadi. Pep Gvariola bo'lajak o'yinda ham asosiy “quroli”ga aylangan Robert Levandovskiga katta umid bog'lagan bo'lsa ajab emas. Tomas Tuxel jamoasi esa imkon qadar azaliy raqibidan ochko olishga harakat qilib ko'radi. Zero, “dortmundliklar” safida ham Obameyang ismli “pulemyot” bor.
04.10.2015
"Bavariya" – "Borussiya" D, (20:30)
Angliya Premer-ligasi
Bugun, Angliya chempionatining 8-turi boshlanadi. APL muxlislarini ham mazkur turda ikkita qiziqarli uchrashuv kutib turibdi: hamshaharlar va haqiqiy dushmanlar sanalgan “Everton” va “Liverpul” navbatdagi ochkolar uchun kurash olib borishsa, “Arsenal” o'z maydonida “MYu” futbolchilarini qabul qiladi. Har ikkala bellashuv muxlislarni befarq qoldirmasligi aniq.
04.10.2015
"Everton" – "Liverpul" (17:30)
"Arsenal" – "Manchester Yunayted" (20:00).
Davomi Zohid Akramov blogida.
— deya xabar beradi uff.uz nashri.