Mamlakatimizning ikkinchi raqamli tennischisi Farrux Do'stov Italiyaning Bergamo shahrida boshlangan “Chellenjer” turkumiga kiruvchi turnirning dastlabki davrasida Bosniya va Gertsegoviniya vakili Mirza Basichni 4-6, 6-3, 6-4 hisobida mag'lub etdi.
Endi Farrux Do'stov ikkinchi davrada frantsiyalik Gregor Barrerga qarshi kortga chiqadi.
Xalqaro tennis federatsiyasi (ITF) tomonidan Avstraliya va Turkiyada o'tkazilayotgan turnirlarda hamyurtlarimiz Nigina Abduraimova va Sarvinoz Saidxo'jaeva o'z ishtiroklarini muvaffaqiyatli boshladilar.
Avstraliyadagi turnirda Nigina Abduraimova xitoylik Jing-Jing Lunga qarshi kortga chiqib 4-6, 6-1, 6-2 hisobida g'alaba qozongan bo'lsa, Turkiyada yosh tennischimiz Sarvinoz Saidxo'jaeva yaponiyalik Kakuya Akixoni 2-6, 6-4, 6-1 hisobida mag'lubiyatga uchratdi.
Ikkinchi davrada Nigina Abduraimova mezbon tennischi Jayme Forlisga, Sarvinoz Saidxo'jaeva esa ruminiyalik Diyana Negreanuga qarshi kortga chiqadi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.