Gelzenkirxenning “Shalke-04” klubi rahbariyati himoyachi Benedikt Xevedes bilan yangi shartnoma imzolangani haqida rasman e'lon qildi. Xabar qilinishicha, 27 yoshli o'yinchi bilan yangi kelishuv 2020 yilning 30 iyuniga qadar mo'ljallangan. Aytish joizki, Xevedes “Shalke-04”ning tarbiyalanuvchisi sanaladi va shu paytga qadar gelzenkirxenliklar tarkibida 286 marta maydonga tushgan. Joriy mavsumda esa Benedikt Bundesliganing 12ta o'yinida ishtirok etib, bitta gol kiritgan.
— deya xabar beradi uff.uz nashri.