“Bunyodkor” – “Al-Shabab” uchrashuvidan keyin “qaldirg'ochlar” sardori Akmal Shorahmedov o'yin haqidagi fikrlari bilan o'rtoqlashdi. - “Al-Shabab”ga qarshi o'tgan bahs nafaqat bizga, balki butun o'zbek futboli uchun ham muhim edi. Chunki guruh bosqichiga chiqib, OFK oldidagi mamlakatimiz reytingini yanada ko'tarishni juda-juda istagandik. Avvalo, dastlabki vazifani bajarganimizdan xursandmiz. Endi guruh bosqichini muvaffaqiyatli bosib o'tishimiz kerak. Buning uchun avvalo, har bir bahsda g'alaba qozonish talab etiladi. Keyingi uchrashuvlarga ham puxta hozirlik ko'ramiz. Yosh futbolchilarimiz Chempionlar ligasida ikkinchi mavsumlarini o'tkazishmoqda. Shundan ekan, bu borada ularda qandaydir tajriba bor. O'ylaymanki, O'zbekistonning OFKdagi reytingi jamg'armasiga yana ochkolar keltiramiz. Bizga ishongan va qo'llab-quvvatlagan muxlislarga minnatdorchilik bildiramiz, - deydi Akmal Shorahmedov.
— deya xabar beradi uff.uz nashri.