Huquqiy jihatdan “Roma”ga tegishli “Empoli” jamoasi yarim himoyachisi Leandro Paredes, “Manchester Siti” klubi a'zosiga aylanishi mumkin. Bu haqida Italiya matbuoti xabar tarqatdi. Ma'lumotga ko'ra, ingliz klubi 21 yoshli argentinalik futbolchining transferi borasida rasmiy so'rov bilan chiqqan. Paredesni “shaharliklar”ning bo'lajak ustozi Xosep Gvardiolaning shaxsan o'zi jamoada ko'rishni istamoqda. Ta'kidlanishicha, “Roma” moliyaviy jihatdan foydali taklif kelib tushsa xavbek bilan xayrlashishga tayyor. Joriy mavsumda “Boka Xuniors” tarbiyalanuvchisi A Seriyaning 20ta o'yinida maydonga tushib, 2ta gol hamda bitta golli uzatmaga muallliflik qilgan.
— deya xabar beradi uff.uz nashri.