“Al-Shabab”ga qarshi bahsda “Bunyodkor” safida debyut uchrashuvini o'tkazgan Aleksandar Alempievich muxlislarda iliq taassurot qoldirdi. Uchrashuvdan keyin uning fikrlari quyidagicha yangradi.
- O'yin oson o'tgani yo'q. Tezkor gol bizning foydamizga ishladi. O'z o'yinim haqida gapiradigan bo'lsam, ba'zi xatolar yuzaga keldi. O'yindan-o'yinga xatolarni kamaytirib, o'zimni yaxshi sifatlarimni namoyish etishga harakat qilaman. Hozircha guruh bosqichi vakiliga aylandik. O'ylaymanki, guruh uchrashuvlarini muvaffaqiyatli o'tkazib, keyingi bosqichga chiqish imkoniyatlarimiz yaxshi. “Bunyodkor”ning g'alaba va muvaffaqiyatlariga o'z hissamni qo'shishni istayman. O'zbekistonda o'zimni juda yaxshi his qilyapman. Bu erda meni hamma narsa qoniqtiradi, hech qanday muammo yo'q. “Olmaliq” jamoasidan yaxshi xotiralar qolgan. Igor Shkvirin – ajoyib inson va yaxshi ustoz, - deydi Aleksandar Alempievich.
— deya xabar beradi uff.uz nashri.