Olingan  ma'lumotlarga ko'ra, O'zbekiston Kubogi finaliga chiqarilgan chiptalarning sotuvi 11 oktyabrdan  Qarshi shahrida ham tashkil etilgan. Chiptalar  “Markaziy” stadionga qarashli  3-chiptaxona orqali sotilmoqda.
Vohalik muxlislarga engil bo'lishi uchun jami 4000ta chipta olib kelingan, hozirgacha 2000tadan oshig'i sotilib bo'lingan.
Jizzax shahridagi chiptalar sotuvi ham allaqachon boshlangan bo'lib, ayni paytda 2500tadan ortiq chipta sotib bo'lingan, jami finalga chiqarilgan chiptalar soni 11500tani tashkil qiladi.
Vohalik futbol ishqibozlarini ogohlantirib aytamizki, Qarshi shahridagi chiptalar sotuvi ertaga 14 oktyabr chorshanba kuni soat 12:00da TO'XTATILADI! Bu rasmiy kishilardan olingan ma'lumot.
Qarshi shahrida ertagacha finalga chipta xarid qilishga ulgurmagan  muxlislar Jizzax shahridagi “Sug'diyona” stadioni chiptaxonalaridan chiptalarni xarid qilishlari mumkin bo'ladi. Olingan ma'lumotlarga ko'ra, Jizzaxlik futbol ishqibozlarining ham ushbu final uchrashuviga qiziqishlari juda katta. Ularning chipta xarid qilishlari har doimgidan ko'ra, juda faol davom etmoqda.
Demak, finalga to'rt kun qolganda,  chiptalarning deyarli yarmiga yaqini sotib bo'lingan.
So'zimiz oxirida “Markaziy” stadion qoshidagi 3-chiptaxonanining ish vaqtini eslatib o'tamiz, bugun soat 18:00gacha, ertaga ya'ni 14 oktyabr chorshanba kuni ertalab soat 9:00dan 12:00gacha.
— deya xabar beradi uff.uz nashri.