Bugun Toshkent shahrida davom etayotgan futzal bo'yicha Osiyo chempionatining guruh bosqich 2-tur uchrashuvlariga start beriladi. "A" va "V" guruhlarida terma jamoalar navbatdagi raqiblariga qarshi maydonga chiqishadi.
Jumladan, O'zbekiston termasi 2-turda yon qo'shnimiz Qirg'iziston futzalchilariga qarshi o'yin o'tkazadi. Bellashuv Yunusoboddagi "O'zbekiston" sport majmuasida soat 19.00da boshlanadi. Eslatib o'tamiz, o'yinga kirish bepul. Barchi ishqibozlarni termamizni qo'llab-quvvatlashga chorlab qolamiz.
Aytish kerakki, aynan ushbu tur o'yinlaridan keyin keyingi bosqichga chiqish masalasiga oydinlik kiritiladi. Umid qilamiz, termamiz bugun bu vazifani uddalaydi va muxlislarga quvonch bag'ishlaydi.
Ushbu tur anonsi bilan tanishing: 2-tur 12.02.2016 16.30 A Saudiya Arabistoni - Livan 19.00 A Qirg'iziston - O'zbekiston 16.30 B Xitoy - Eron 19.00 B Iordaniya - Iroq 13.02.2016 16.30 C Xitoy Taypeyi - Tayland 19.00 C Tojikiston - Vetnam 16.30 D Malayziya - Yaponiya 19.00 D Qatar - Avstraliya
— deya xabar beradi uff.uz nashri.