Biz doim sportning turli jabhalarida mukammal saviya ko'rsatib, mislsiz shon-shuhrat va katta mablag'larga egalik qiladigan atletlarga ko'p to'htalamiz.
Bugungi hikoyamiz qahramoni bo'lgan sportchilar esa butun faoliyati davomida boshlariga omad qushi qo'nishini kutib, alal-oqibat hech bir yutuqqa erisha olmaganlar.
Bokschi Reji Striklend
Amerikalik Reji Striklend boks sport turining - tarixdagi eng yomon jangchisi, degan nomga to'laqonli javob bera oladi. U 18 yillik faoliyati davomida 363 bora ringga ko'tarilib, 276 marta mag'lubiyatga uchragan. Boks ixlosmandlari Rejiga - Professional Loser(Usta lapashang) laqabini berganlar.
Uzuliksiz yutqazishlar uni hech to'htata olmagan. G'alabaga tashna Reji hatto kuniga uch martadan ringga ko'tarilgan ekan. Ma'lumki, AQShning jonkuyar boks qo'mitalari ko'p mag'lubiyatga uchraydigan sportchilarning litsenziyalarini olib qo'yadi. Striklend bilan ham shunday holat ko'p bora yuz bergan. Lekin, ringga chiqishni doimo orzu qiladigan bokschi bunga ham chora topib, boshqa nom ostida janglarda qatnashavergan.
“Ajoyib natijalar”ga erishgan Striklend qashshoq bo'lib ketgandir, deb o'ylashingiz mumkin. Holbuki, unday emas! U ringga har bir ko'tarilishi uchun kamida 500 dollardan ishlardi. Qizig'i, boksdagi to'la iqtidorsizlik uning oilasiga ham tegishli. Uning akasi va xotini ham qo'lqop kiyib ringga chiqishga ishqiboz bo'lib, ularning faoliyatida ikki donagina g'alaba bor.
Atlet Trevor Misipeka
132 kilogramm vaznga ega amerikalik atlet Trevor Misipeka 2001 yildagi engil atletika bo'yicha Jahon chempionatiga yadro uloqtirish bo'yicha Sharqiy Samoa davlati nomidan ishtirok etishni rejalashtiradi. Agar chempionat qoidalari aynan start oldidan o'zgarib qolmaganida jahon bu g'alati inson haqida hech nima bilmagan bo'lar edi.. Trevorga yadro uloqtirishga ruxsat berishmasdan qatnashchi yo'qligi uchun 100 metrga yugurish yo'lakchasini ishonib topshiradilar.
Misipeka hech narsaga tushunmagan holda hansiraganicha finish sudralib etib borib, katta sport tarixidagi eng yomon -14 sekunddan ortiqroq natijani qayd etadi. Ha, biz hatto maktabda ham undan tezroq yugurardik, to'g'rimi? Mana shu antirekord uchun sportchi Toshbaqa laqabini olgan.
Ana shunday sharmandalik ham uni sportdan qaytara olmadi. U endi futbol bilan jiddiy shug'ullanishga o'tdi, qarang. Butun dunyo Toshbaqa hujumchining golini kutib yotibdi.
Davomi Elmurod Ermatov & ALBARS blogida.
— deya xabar beradi uff.uz nashri.