"UzReport TV" telekanali Angliya Premer ligasi o'yinlarining translyatsiyasini davom ettiradi. 13 fevral kuni Toshkent vaqti bilan soat 17:45da "Sanderlend" jamoasi o'z maydonida "Manchester Yunayted"ni qabul qiladi. Soat 22:30da esa "Stemford Bridj" stadionida "Chelsi" va "Nyukasl Yunayted" jamoalari o'zaro to'qnash kelishadi. 14 fevral yakshanba kuni esa turning markaziy o'yini bo'lib o'tadi. Toshkent vaqti bilan soat 17:00da "Arsenal" klubi musobaqa peshqadami "Lester"ga qarshi bahs olib boradi. Mazkur o'yin har ikki klub uchun qanchalik muhim ekanini ta'riflashga hojat bo'lmasa kerak. Maydon egalari bu uchrashuvda g'alaba qozonishsa, "Lester"ga ancha yaqinlashib olishadi. Agar "Lester" g'alaba qozonsa, yakkapeshqadamlikni yanada mustahkamlaydi. 14 fevral kuni soat 21:15da "Manchester Siti" 2-pog'onada borayotgan "Tottenxem" sinovidan o'tadi. Yuqoridagi barcha o'yinlar "UzReport TV" telekanali orqali "jonli" efirda namoyish etiladi.
— deya xabar beradi uff.uz nashri.