Mavsumga tayyorgarlikni Toshkentda davom ettirayotgan “Lokomotiv” yoshlar jamoasi navbatdagi uchrashuvni ertaga – 12:00 da “Paxtakor”ga qarshi o'tkazadi. Bellashuv “paxtakorchilar”ning Qibraydagi bazasiga qarashli stadionda bo'lib o'tadi. 2016 yil hisobidan birinchi o'rtoqlik o'yini ham aynan “Paxtakor” yoshlariga qarshi bo'lib o'tgan va bellashuvda 0:0 hisobi qayd etilgandi. 6 fevral kuni “Paxtakor-2” jamoasiga qarshi o'yinda esa bir qator yangi futbolchilar ko'rikda o'tishgandi. 13 fevraldagi bellashuvda murabbiylar shtabi saralab olgan yigitlar harakat qilishadi.
— deya xabar beradi uff.uz nashri.