Yigirma beshinchi milliy chempionatga hozirlik ko'rayotgan jamoamiz tarkibi sekin asta aniqlanib bormoqda. Kecha jamoamiz Muborakning "Mash'al" jamoasi bilan o'rtoqlik o'yini o'tkazdi. Bu bahsda jarohat sabab ba'zi futbolchilar ishtirok etishmadi. Tarkibda maydonga tushgan Azamat Isroilovga javob berildi. 2010 yildan beri jamoamiz sharafini himoya etgan Azamat milliy chempionatda jamoa libosida 70 o'yinda ishtirok etgan va 5 marta raqiblar darvozasini ishg'ol etgan. Jamoa a'zolari nomidan Isroilovning keyingi faoliyatiga omad tilaymiz. Shuningdek, markaziy yarim himoyada to'p tepayotgan Muhammad Isaev yoshlar jamoasi safiga jo'natildi.
— deya xabar beradi uff.uz nashri.