O'yin juda og'ir kechdi. Aslida Qirg'izistonga qarshi kechadigan o'yinlar har doim og'ir o'tadi. Chunki jamoalar bir birini yaxshi biladi. O'yinga keladigan bo'lsak, biz uni to'liq nazorat qilib bordik. Hujum bilan birga himoyada ham yaxshi o'ynadik. Qirg'iziston esa o'yin boshida bergan zarbasi darvoza ustuniga tekkanini inobatga olmasa, raqib hech narsa qila olgani yo'q. Bugun bizning hujum chizig'imiz ham yaxshi o'ynadi, deb ayta olmayman. Biz ko'proq gol urishni o'rganishimiz kerak. Bu borada qiladigan ishlarimiz ko'p.
- Birinchi bo'lim o'tgan o'yindagi birinchi bo'limga o'xshash bo'lganini ayta olasizmi?
- Yo'q. Bu bo'limlar boshqacha kechdi. Men bu fikrga mutlaqo qo'shilmayman. Biz Saudiya Arabistoniga qarshi bir bo'lim davomida yaxshi o'ynamadik, ammo Qirg'iziston faqat 3 daqiqa ustunlik keldi. Saudiya juda tez o'ynagan edi, bugungi o'yinda esa qirg'izlar Saudiya Arabistoni kabi shiddatli o'yin ko'rsata olmadi. Biz bu raqibni hurmat qilamiz, ular Livanga qarshi kechgan o'yinda so'nggi daqiqalarda hisobni tenglashtirgan edilar.
- Keyingi o'yinda balki asosiy futbolchilarga dam berarsiz?
- Yo'q, unday bo'lmaydi. Biz birinchi navbatda asosiy tarkibni maydonga tushiramiz va bor kuch bilan o'ynaymiz. Bu o'yin biz uchun bo'lmasa. narigi ikki jamoa uchun juda muhim. Shunday ekan, biz bu o'yinning ahamiyati juda katta ekanini ko'rsatmoqchimiz. Agar narigi ikki jamoa o'rnida men bo'lganimda, guruhdagi so'nggi o'yinda barcha jamoalar bor kuch bilan o'ynashini istagan bo'lardim. Shunday ekan, biz guruhdagi uchinchi o'yinni professionallarga hos tarzda o'tkazamiz.
- Siz guruhda birinchi o'rinni olishga ulgurdingiz. "V" guruhida ikkinchi o'rinni Iroq olishi ehtimoli katta. Bu jamoa haqida nima deya olasiz?
- Rostini aytadigan bo'lsam, Iroq haqida umuman o'ylaganim yo'q. Fikr bildiradigan bo'lsam, bu musobaqada kuchsiz jamoaning o'zi yo'q. Futzal o'sgan, ilgari besh, olti gol bilan g'alaba qozonish mumkin edi. Endi esa faqat Eron bu ishni uddalamoqda. Shunday ekan, har qanday o'yin katta ahamiyat kasb etishi mumkin. To'g'ri, men hozir qahramonlik ko'rsatib Eronga qarshi ham o'ynashimiz mumkinligini aytishim mumkin edi. Ammo biz Eron qay darajada kuchga ega ekanini his qilib turibmiz va tan olib aytaman, guruhdan chiqqach imkon qadar Eronga duch kelmaslikka intilmoqdamiz. Biroq shu bilan birga Iroqni ham, "V" guruhidagi boshqa jamoalarni ham hurmat qilishimizni bildirmoqchiman.
- O'tgan o'yinda Choriev, bunisida esa Rahmatov dublga erishdi. Ammo bu futzalchilar birga maydonga tushmadi biror marta. Ular o'zaro o'yin uchun mos kelmaydilarmi?
- Dilshod Rahmatov va Choriev mutlaqo boshqacha uslubdagi futzalchilar deb hisoblayman. Rahmatov o'yinini juda o'stirib bormoqda. Bizda juda ko'pchilik o'ng oyog'ida o'ynaydi, Rahmatov esa chap oyoqda pas oshirib, hujum tashkil eta oladigan futzalchilardan. Bizda alohida ahamiyatga ega yulduzlar yo'q. Bugun Choriev, ertaga esa Rahmatov, indinga boshqa futzalchi etakchi bo'lishi mumkin. Biz jamoaviy o'yinga e'tibor qaratamiz.
- Vatandoshlaringiz o'yinini ko'rib boryapsizmi? Ayniqsa kecha tunda o'tkazilgan o'yinni?
- O'yinni to'liq ko'rmadim. Boshida bir necha daqiqa tomosha qildim, keyin esa Qirg'izistonga qarshi kechadigan o'yinga tayyorgarlik ko'rdim, raqibni o'rgandim. Ispaniyaning Portugaliya va Rossiya bilan o'tkazgan o'yinlarini ko'rdim. Ammo hozir bor hayolim O'zbekiston terma jamoasida.
- Avvalo O'zbekiston terma jamoasini g'alaba bilan tabriklayman. Ilgari Xurshid Tojiboev jamoa sardori edi. U jamoaga yordam beryaptimi?
- Tojiboev biz uchun juda muhim futzalchi edi, ammo u Osiyo chempionatiga uch kun qolgandagina safga qaytdi. Tarkibdagi o'rinlar to'lib qolgani uchun uni jamoa ro'yxatiga qo'sha olmadik. Bundan juda afsusdamiz.
— deya xabar beradi uff.uz nashri.