“Barselona” jamoasi darvozaboni Mark-Andre ter Shtegen jamoa safini tark etish niyati yo'qligini aytib o'tdi, deya xabar bermoqda El Mundo Deportivo. Avvalroq, ispan nashrlari uning mavsum yakunida “ko'k-anor ranglilar” safini tark etishi mumkinligi haqida yozishgandi. Germaniyalik posbon esa ushbu xabarlarni rad etib, klubning asosiy tarkibida o'ynash uchun kurashishini ta'kidladi. Qayd etish joiz, Ispaniya chempionati bahslarida kataloniyaliklarning asosiy darvozaboni sifatida Klaudio Bravo maydonga chiqmoqda. 
— deya xabar beradi uff.uz nashri.