Xabaringiz bor, "Bunyodkor" yarim himoyachisi Viktor Karpenko hamda o'tgan mavsum “Navbahor” sharafini himoya qilgan darvozabon Xurshid Xo'jaevlar jamoa mashg'ulotlariga qo'shilgan. Tarkibni kuchaytirish va raqobatbardosh jamoani shakllantirish maqsadida futbolchilar bilan olib borilayotgan muzokaralar to'xtagani yo'q. Bugun, Rashid G'ofurov shogirdlari Igor Shkvirin boshchiligidagi "Olmaliq" jamoasiga qarshi nazorat uchrashuvini o'tkazadi. O'yin 12.00da boshlanadi. Yangi mavsumga jamoaviy o'yinni yaxshilash maqsadida 17- fevral kuni ham nazorat uchrashuvi o'tkaziladi. Bu safar "Navbahor" Navoiyning "Qizilqum" klubi bilan o'zaro kuch sinashadi. Toshkentdagi yig'inning so'nggi kunida, ya'ni, 20- fevralda "lochinlar" yana bir nazorat o'yini o'tkazishadi. Ushbu raqib nomi tez orada ma'lum bo'ladi.
— deya xabar beradi uff.uz nashri.