Qibraydagi “Paxtakor” bazasida “Lokomotiv” yoshlar jamoasi o'zining navbatdagi o'rtoqlik uchrashuvini mezbonlarga qarshi o'tkazdi. Bu safar ham kuchlar teng keldi – 1:1. Birinchi bo'limning 20-daqiqasiga kelib Timur Usmonov yosh “temiryo'lchilar”ni hisobda oldinga olib chiqdi. U boshlang'ich tarkibdagi yoshi eng katta futbolchi sifatida qolgan sheriklariga o'rnak bo'la oldi. Aytish kerakki, “Lokomotiv”ning boshlang'ich tarkibida o'rtacha yosh 18,3 ni tashkil qildi. O'tkazib yuborilgan goldan 4 daqiqa o'tib Ravshan Xursanov hisobni tenglashtirishga muvaffaq bo'ldi. Shundan keyin birinchi bo'lim yakuniga qadar maydonda teng kurash kechdi. Ikkinchi bo'lim o'rtalariga kelib murabbiylar bir qator o'zgarishlarni amalga oshirishdi. Futbolchilarning kuch va imkoniyatlari yana bir bor sinovdan o'tkazildi. Bu taymda gol urish hech kimga nasib qilmadi va bellashuv durang natija bilan intixo topdi. Tomonlarning yanvar oyida bo'lib o'tgan to'qnashuvlarida ham g'olibni aniqlab bo'lmagandi – 0:0. PAXTAKOR – LOKOMOTIV 1:1
Gollar: Timur Usmonov, 20 (0:1). Ravshan Xursanov, 24 (1:1).
“Lokomotiv”: Rustam Nortojiev — Ulug'bek Abdullaev, Humoyun A'zamov, Otabek Muhamedov, Dilshod Ergashev — Rustam Xamroev, Farrux Ibrohimov, Evgeniy Tanaev — Shoxruh Mo'minqulov, Bobur Ergashev — Timur Usmonov.
2-bo'limda maydonga tushganlar: Jahongir Safarov, Muhammad Omonaliev, Hamid Sobirov, Abbos Komilov, Lazer Adamov, Shaxzod Qayumov.
— deya xabar beradi uff.uz nashri.