“Yuventus” klubi bosh murabbiyi Massimiliano Allegri “Napoli”ga (1:0) qarshi kechgan Italiya chempionatining 25-tur uchrashuvidan so'ng o'z fikrlarini bildirdi. “O'yin tengkurashlar ostida o'tdi va birgina vaziyat uchrashuv taqdirini hal etdi. Yigitlarga sabr uchun rahmat. Biz doim yuqori tempni ushlab turib, ogoh bo'lib o'ynashimizga to'g'ri keldi. Chunki Iguain, Kalexon, Insine, Allan va Gamshik kabi futbolchilarga bo'sh zonalarga yorib kirish imkonini qoldirsa, katta muammolar yuzaga kelishi mumkin. Yigitlardan faxrlanaman, ular barcha chiziqlarda deyarli bexato o'ynashdi. Umuman olganda “Napoli” ga ko'p vaziyat yaratishga yo'l qo'ymadik. Bizning maqsadimiz skudettoni qo'lga kiritish, ammo buni amalga oshirish juda qiyin bo'ladi, axir oldinda 13ta tur bor. “Napoli” ham individual ham jamoaviy jihatdan juda kuchli jamoa ekanligini isbotladi», – deydi Allegri.
— deya xabar beradi uff.uz nashri.