Futzal bo'yicha Osiyo chempionati "V" guruhi doirasdia Eron va Iroq terma jamoalari o'rtasida kechgan uchrashuvdan so'ng iroqliklar bosh murabbiyi Xaysam Abbos matbuot anjumanida ishtirok etdi. - Biz eng avvalo bugungi o'yindan ham ko'ra guruhdan keyin bo'ladigan uchrashuvni o'yladik. Shu sababli jarohat olgan futzalchilarni keyingi o'yinga asradik.
- Uchinchi tur o'yinida jamoangiz keyingi bosqichda o'zini his qilib o'ynamadimi?
- Biz avvaldan buni bilgan edik va futzalchilarimizga uchinchi turdagi o'yin bizga hech narsa bermasligini aytgan edik. Biz uchun chorak finaldagi o'yin muhimroq ekanini aytganmiz va shunga yarasha bugun o'ynadik. Bugungi o'yinga emas, keyingisiga tayyorlanishimiz uchun bir qator sabablar bor edi.
- O'zbekistonga qarshi kechadigan o'yinni kuzatib borish qiziqmi, yoki Qirg'iziston va Saudiya Arabistoni o'rtasidagi o'yinni tomosha qilish qiziqmi?- Albatta O'zbekiston terma jamoasi o'yinini kuzatish qiziq. Chunki aynan shu jamoaga qarshi chorak finalda o'ynaymiz.
- O'yindan oldingi matbuot anjumanida Iroq terma jamoasi menejeri O'zbekistonga qarshi kechadigan ehtimoliy o'yinga tayyorligi va bu jamoadan qo'rqmasligini aytgan edi. Bu qadar ishonch bilan gapirishga nima sabab bo'lmoqda?
- O'zbekiston terma jamoasi Osiyodagi eng kuchli terma jamoalar sirasiga kiradi. Biz bu jamoani hurmat qilamiz. Ammo biz bu jamoa bilan to'qnash kelar ekanmiz, albatta oldinga intilishga harakat qilamiz. Qaysidir raqibdan qo'rqish niyatimiz yo'q.
- Bugungi o'yinni ikkinchi darvozabon bilan boshladingiz va gol o'tkazilgach yana birinchi darvozabon maydonga tushirildi. Bu xato qaror emasmidi?
- Bunga sabab ikkita edi. Almashtirimizga sabab, u juda qo'pol xatolarga yo'l qo'ydi. Ikkinchi darvozabonni maydonga tushirishga sabab esa, unga o'yin amaliyoti berish edi.
— deya xabar beradi uff.uz nashri.