Futzal bo'yicha Osiyo chempionati "V" guruhi doirasida Eron va Iroq terma jamoalari o'rtasida kechgan uchinchi tur o'yinidan so'ng eronliklar bosh murabbiyi Muhammad Nozim matbuot anjumanida ishtirok etdi.
- Eng avvalo aytib o'tishim lozim, raqib haqida juda yaxshi fikrga egaman. Iroq terma jamoasi ham bosh murabbiyi, ham futzalchilar jihatidan yaxshi jamoa. Raqib tarkibida ikki jarohat olgan futzalchi bor edi va mana shu jihat ham o'yinga ta'sir o'tkazdi. Bundan tashqari Iroq terma jamoasi darvozaboni ham jarohat olgani ham ularga pand berdi. Shunga qaramasdan aytish lozim, raqib yaxshi o'ynadi. Biz esa o'yindan o'yinga kuchayib borish va o'z maqsadimizga erishishni rejalashtirganmiz. Shu o'rinda tashkilotchilik haqida ham iliq fikr bildirmoqchiman. Biz uchun barcha sharoit yaratilgan. Bunday ajoyib muhitda o'ynayotganimizdan xursandman. O'zbekistonda muxlislik a'lo darajada.
- Bugun jamoangiz o'z imkoniyatlarining necha foizidan foydalandi, deb o'ylaysiz? Har holda g'alaba ancha oson qo'lga kiritildi.
- Biz necha foiz imkoniyatdan foydalanganimiz haqida ayta olmayman. Chunki biz o'yindan o'yinga kuchayib borishni maqsad qilganmiz. Bugun yarim kuch bilan o'ynadik deya olmayman.
- Kechagi o'yinda Yaponiya 11 ta gol urdi va oldingi o'yinlarga qaraganda yaxshiroq o'ynadi. Bu degani Eron Yaponiyadan ham ko'ra favoritroqmi?
- Yo'q, biz Yaponiya bo'ladimi yoki boshqa raqib, mutlaqo boshqa jamoalar haqida o'ylamayapmiz. Biz faqat o'z o'yinimizga qaraymiz. Bu o'rinda hisob hech narsani anglatmaydi.
- Eron raqib tanlamasligi aniq. Ammo shunda ham aytingchi, Qirg'iziston, Saudiya Arabistoni va Livandan qay birini ma'qul ko'rgan bo'lardingiz?
- Biz barcha jamoalarni hurmat qilamiz. Biz bu erga chempion bo'lish uchun kelganmiz. Biz uchun barcha jamoalar birdek kuchli va kimga qarshi o'ynashning farqi yo'q.
— deya xabar beradi uff.uz nashri.