Futzal bo'yicha Osiyo chempionati "A" guruhi. uchinchi turi doirasida O'zbekiston va Livan o'rtasida kechgan uchrashuvdan so'ng raqib jamoa bosh murabbiyi Fransisko Araujo matbuot anjumanida ishtirok etdi.
- Bu uchrashuvda teng kuchli jamoalar maydonga tushdi. Afsuski hakam va o'zimizning xatomiz tufayli mag'lubiyatga uchradik. Shuningdek O'zbekiston darvozabonini ham e'tirof etib o'tish lozim. Biz gol urishga harakat qildik, ammo u juda fantastik o'yin namoyish qildi. Biz JChga chiqishni maqsad qilgan edik. bu maqsadga erisha olmaganimizdan alamdamiz. Hech bo'lmasa Eronga qarshi o'ynashni istagandik, ammo buning uddasidan chiqa olmadik.
- Mendez bir necha bor Livan haqida iliq fikr bildirgan edi. Bunga ishonch hosil qildik. Yaqin kelajakda jamoangiz o'yinini qanday o'zgartirmoqchisiz?- Biz g'alaba ruhiyatini oshirishimiz kerak. Musobaqaga qadar ko'plab o'rtoqlik o'yinlari o'tkazgan edik va kuchli raqiblarga qarshi o'ynadik. Saralashda ham kuchli jamoalarga qarshi o'ynasakda, Osiyo chempionatida bu narsani ko'rsata olmadik.
- Oldingi ikki o'yinga qiyosan olsak. Livan terma jamoasi o'yinini qanday baholaysiz?
2012 va 2014 yilgi Osiyo chempionatlaridan yaxshiroq o'ynadik. Biz barcha imkoniyatni birinchi o'yindayoq yo'qqa chiqargan edik. Agar Qirg'izistonga qarshi kechgan o'yinda so'nggi soniyalarda gol o'tkazib g'alabani boy bermaganimizda, bu qadar mushkul ahvolga tushmagan bo'lardik.Biz harakat qildik, afsuski qo'limizdan kelgan barcha ishni qilsakda, yaxshi natijaga erisha olmadik.
— deya xabar beradi uff.uz nashri.