Angliya chempionatining 26-turidan o'rin olgan "Manchester Siti" hamda "Tottenxem" klublari o'rtasidagi uchrashuv nihoyasiga etdi. Unda 1:2 hisobi qayd etilib, "taqachilar"ning g'alabasi bilan yakunlandi.
Bellashuvning birinchi bo'limida hisob ochilmadi. Ikki jamoa ham ehtiyotkor o'yin namoyish etdi.
Ikkinchi bo'limda, aniqrog'i 53-daqiqada Xarri Keyn penaltidan gol urib, londonliklarni oldinga olib chidi. Ammo, 74-daqiqada Ixeanacho oradagi farqni yo'qqa chiqardi. Lekin, 83-daqiqada Eriksen "Tottenxem"ning ikkinchi golini urdi. "Siti" qancha harakat qilmasin baribir javob golini urishga imkoni etmadi.
Shu tariqa "Tottenxem" juda muhim o'yinda g'alaba qozondi va uch ochkoga ega bo'ldi. Jamoa 2-o'ringa ko'tarilib oldi.
Angliya chempionati, 26-tur
Manchester Siti – Tottenxem 1:2
Gollar: 0:1 – 53, penalti Keyn, 1:1 – 74 Ixeanacho, 1:2 – 83 Eriksen.
Manchester Siti – Xart, Kompani, Klishi (Kolarov, 75), Sabaleta, Otamendi, Fernando (Ixeanacho, 66), Fernandino, Ture, Silva, Sterling, Aguero.
Tottenxem – Loris, Vimmer, Alderveyreld, Rouz, Dayer, Alli (Lamela, 81), Dembele, Eriksen, Uoker, Keyn, Son Xiin Min (Kerroll, 72).
Ogohlantirishlar: Dayer (45), Kompani (46), Vimmer (56), Kerroll (76).
— deya xabar beradi uff.uz nashri.