Bugun Dubayda O'zbekiston milliy terma jamoasi Livan termasiga qarshi o'rtoqlik uchrashuvida maydonga tushadi. Biz ushbu jamoalarning o'zaro o'yinlariga oid 20 faktni e'tiboringizga havola etamiz.
1. Ushbu jamoalar bugunga qadar 4 marta raqib bo'lishgan. 3 ta uchrashuvda O'zbekiston termasi g'alaba qozongan bo'lsa, 1 o'yinda durang qayd etilgan. To'plar nisbati 6:1 O'zbekiston foydasiga!
2. O'zbekiston va Livan faqatgina Jahon chempionati saralash bosqichida to'qnash kelishgan. Bugun ular ilk bora o'rtoqlik o'yinida kuch sinashishadi.
3. O'zbekiston va Livan o'zaro birinchi bor neytral maydonda to'qnash kelishadi. Oldin ular 2 martadan Toshkent va Bayrut shaharlarida maydonga tushishgan.
4. Livan darvozasiga urilgan 6 ta golni 3 ta futbolchimiz kiritgan. Odil Ahmedov (3), Server Jeparov (2) va Jasur Xasanov (1)
5. Livanliklarning yagona goliga Ali Saadiy mualliflik qilgan. 6. Server Jeparov 2008 yili Livanga qarshi uchrashuvda penaltidan foydalana olmagan.
 
7. O'zbekiston Livanga qarshi o'yinlarning birinchi taymlarida - 2, ikkinchi bo'limlarida esa 4 ta gol urgan.
8. Livanda kechgan har ikkala uchrashuvni Ummonlik hakam Abdulla Xiloliy boshqargan.
9. Toshkentdagi o'yinlarni esa Avstraliyalik Metyu Briz va Singapurlik Abdumalik Abdulbashir boshqarishgan.
10. O'zbekiston va Livan o'rtasidagi 4 o'yinni jami 57800 muxlis stadionda tomosha qilgan. Har o'yinga o'rtacha 14,450 muxlis tushgan.
11. Muxlislar tashrifi bo'yicha rekord 2013 yili Toshkentda “Bunyodkor” stadionidagi ilk rasmiy o'yinda qayd etilgan – 35000 muxlis.
12. Eng kam muxlis 2008 yili Beyrutdagi o'yinga to'g'ri keladi – 800 tomoshabin.
13. Livanga qarshi o'yinlarda termamizni 2 murabbiy boshqargan. Rauf Inileev va Mirjalol Qosimov.
14. Livanliklarni ham O'zbekistonga qrashi o'yinlarda ikki nafar mutaxassis boshqargan: Emil Rustom va Teodor Byuker.
15. O'zbekistonlik futbolchilar Livanga qarshi bahslarda 5 marta sariq kartochka bilan jazolanishgan.
16. Livanliklar esa 4 marta hakamlar tomonidan sariq rangli kartochka bilan “siylanishgan”.
17. Livan terma jamoasi O'zbekistonga qarshi 3 ta uchrashuvda hakamlar tomonidan kartochkalar bilan jazolanishmagan.
18. Bugun O'zbekiston termasi tarkibida Jamshid Boltaboev, Otabek Shukurov, Javlon Mirabdullaev, Akromjon Komilov, Doston Hamdamov debyut uchrashuvini o'tkazishi mumkin.
19. Kamoliddin Tojiev bugun O'zbekiston termasidagi 10-uchrashuvida maydonga tushishi mumkin.
Davomi Furqat Yusupov blogida.
— deya xabar beradi uff.uz nashri.